Jıynǵa qatysqan birinshi vıse-mınıstr Arman Evnıev Qazaqstannyń qol jetkizgen básekege qabilettilik deńgeıin qoldaý jáne onyń odan ári keńeıýi úshin agroónerkásiptik keshendi memlekettik retteýdiń tásilderi qaıta qaralyp, ishki naryqtyń qorǵalýyna, syrtqy saýda naryǵyn keńeıtýge, saýda-logıstıkalyq ınfraqurylymdy damytý men agroónerkásiptik keshen sýbektilerin qarjylandyrýdyń qoljetimdiligin arttyrýǵa basa nazar aýdarylǵanyn atap ótti.
«Shyǵarylǵan jalpy aýyl sharýashylyǵy ónimderi 3,9 paıyzǵa, óndirilgen tamaq ónimderi 6,3 paıyzǵa artty. Aýyl sharýashylyǵy ónimderiniń eksporty 3 aıda 47 paıyzǵa, onyń ishinde óńdelgen ónimder eksporty 26 paıyzǵa ulǵaıdy. Aýyl sharýashylyǵyna salynǵan ınvestısııalar kólemi 1,4 paıyzǵa ósip, 88 mlrd teńgeni qurady. 2018 jyly egistik jerler kólemin 50,2 paıyzǵa (11,4 mln ga) qysqartý josparlanyp otyr. Qazirgi ýaqytta azyq-túliktiń negizgi 30 túriniń 25-i boıynsha qamtamasyz etilýi 80 paıyz, al keıbir túrleri boıynsha 100 paıyzdy quraıdy. Ishki naryq osy ónim túrlerimen qamtamasyz etilýde. Importqa táýeldi qus eti, alma, irimshik jáne súzbe, shujyq, qant, balyq bul tizimge kirmeıdi. Elbasy halyqqa Joldaýynda agroónerkásiptik keshen aldynda eńbek ónimdiligin túbegeıli ulǵaıtý jáne qaıta óńdelgen aýyl sharýashylyǵy ónimi eksportynyń ósimin 5 jyl ishinde keminde 2,5 esege arttyrý mindetin qoıdy. Bul mindetti sheshý salany damytýda múlde jańa kózqarasty talap etedi», dedi ol.
Jıyn barysynda ol joǵaryda atalǵan mindetterdi eskere otyryp, Aýyl sharýashylyǵy mınıstrligi agrobıznes jáne úkimettik emes uıymdardyń ókilderin tarta otyryp, 2017-2021 jyldarǵa arnalǵan Qazaqstan Respýblıkasy agroónerkásiptik keshenin damytýdyń memlekettik baǵdarlamasyna túzetýler engizý boıynsha jumys júrgizip jatqanyn jetkizdi.
Raýan QAIDAR,
«Egemen Qazaqstan»
