Jastar Spasskdige oqytý ortalyǵynda birneshe kún kúsh-qabiletterine saı áskerı daıyndyqtaryn kórsetti. Áskerı-dalalyq taktıkalyq oıyn jalpy esebi boıynsha pavlodarlyq «Qaısar» áskerı-patrıottyq klýby Bas júlde ıelendi. Jeńispen oralǵan komandany oblys ákimi Bolat Baqaýov quttyqtady.
Oblystaǵy «Alǵashqy áskerı daıyndyq jáne dene tárbıesi oqý-tájirıbelik ortalyǵy» basshysynyń orynbasary Temirbolat Álenovtyń aıtýynsha, buryn «Aıbyn» jastar arasyndaǵy respýblıkalyq áskerı-patrıottyq oqý-jattyǵý jıynynan 4,5 oryndar alyp júrgen. Bıyl jańa jaqsy, jetistikke jettik,-deıdi.
Baıqaýǵa 10 ul bala, 5 qyzdan turatyn klýbtyq komandamyz, ıaǵnı, áskerı mektep-ınternat oqýshylary jáne áskerı-patrıottyq klýbtar arasyndaǵy «Qaısar» klýbynyń oqýshylary qatysty. Jıynda «Aıbyn daryny» ıntellektýaldyq oıyny, robototehnıka boıynsha «Meniń robotym» konkýrsy, «Aıbyn daýysy» mega-art festıvali, sondaı-aq mádenı-demalys taqyryptyq keshter, kezdesýler, vıktorınalar sııaqty is-sharalary ótkizilgen.
-Eki aı boıy daıyndaldyq. AK-74 avtomatyn shashý men jınaýǵa qatystym,-deıdi «Qaısarlyq» klýb múshesi, Kenjekól orta mektebiniń 11-synyp oqýshysy Farhad Iskakov.
Farıda BYQAI
«Egemen Qazaqstan»
PAVLODAR
