Ordaly otyz jasynda kez kelgen sýretshiniń tisi bata bermeıtin tyń taqyryptarǵa boı aldyrǵan qylqalam ıesi ónerdi ómirim dep biledi. Kıeli ónerdiń kıesin ketirmeý, tunyǵyn laılamaý sýretshiniń basty urany. Onyń Á.Qasteev atyndaǵy memlekettik óner mýzeıinde saltanat qurǵan «Birtutas» atty jeke kórmesi kórermendi beıjaı qaldyrmaıdy.
Jas sýretshiniń qyryqtan astam keskindemelik shyǵarmasy qoıylǵan kórme jyldar jyljyp, ǵasyrlar almassa da otbasyndaǵy jarasym men jylylyq, saǵynysh pen qamqorlyq syndy izgi sezimder óz bıiginde qala beretinin dáleldeıdi. Kóz aldyńdaǵy jansyz beıneden áldeqashan ómirden ótken atań men ájeńdi kóresiń... Osy zamanǵy óner tiline saı ótkir de ótimdi týyndylar qylqalam sheberiniń únemi izdenis ústinde júretinin ańǵartady. О́nertanýshylar Oralbek sýretteri ónege men kıeni ózara úndestirip, ýaqyt pen zaman tynysyna saı bere bilýimen erekshelenedi, deıdi.
– Sýretshi óz kartınalaryna taqyryp izdep, qııadan asyp, el shetine shyǵyp ketpeıdi. О́mir men bolmystyń zańdylyqtaryn ata dástúrden, ulttyq turmystyń ǵasyrlar boıy synynan ótip, dáleldengen qarym-qatynasynan, jan-dúnıeniń qońyr qobyzdyń sarynyndaı myń qubylysy bar ıirimderinen izdeıdi. Oralbektiń osy kórmege daıyndyǵynyń taǵy bir ereksheligi, onyń taqyryptyq, kóp beıneli kartınalar shyǵarmashylyǵynyń negizgi arqaýy ekendiginde, – deıdi ónertanýshy Samal Mamytova.
Myna bir sýrettegi dastarqan basyna jaıǵasqan jarasymdy otbasy kishkentaı memleket ispetti. Urpaǵyna ańyzyn shertip, ónegesin órbitip otyrǵan qazynaly qarııa qasıettiń altyn dińgegindeı kórinedi. Qarııanyń tý syrtyna saıaly báıterektiń beınelenýi áke mártebesin barynsha asqaqtatyp tur. Ár otbasy múshesiniń dastarqan basynan óz jolyna saı oryn alýy qazaq otbasyndaǵy izet pen qurmettiń, kisilik pen kishiliktiń jarqyn úlgisin kórsetedi.
Jylylyq uıalaǵan jarasymdy otbasy...
Arman OKTIаBR,
«Egemen Qazaqstan»
ALMATY
