Elbasy Mańǵystaý oblysynda boldy

Keshe Memleket basshysy Nursultan Nazarbaev ju­mys saparymen Mańǵystaý oblysyna keldi, dep ha­bar­la­dy Qazaqstan Respýblıkasy Prezıdentiniń baspasóz qyzmeti.

Aqtaý qalasynda Prezıdent oblys aktıvimen, kórnekti jurt­­shylyq, zııaly qaýym ókil­de­ri­men, munaı kompanııalary eńbek ujymdarynyń ókilderi­men kezdesip, Jańaózen qala­synda oryn alǵan qaıǵyly oqı­ǵalar máse­leleri jóninde keńes ótkizdi.

Memleket basshysy óz sózinde Jańaózen qalasyn qalpyna keltirý, qalanyń tirshiligin qam­ta­ma­syz etetin nysandardyń jumys isteýin jolǵa qoıý, sondaı-aq jumystan shyǵarylǵan eńbek­ker­lerdi jumysqa ornalastyrý jó­ninde barlyq sharanyń qabyl­da­na­tynyn atap ótti. Sonymen birge, Prezıdent Qazaqstan zańna­ma­larynyń barlyq talaptaryn bul­jytpaı oryndaý qajettigin atap kórsetti.

Memleket basshysy oblys aktıvine jańa ákimdi tanystyrdy. Mańǵystaý oblystyq máslıha­ty­nyń kelisimimen óńir ákimi laýa­zymyna Baýyrjan Muhametja­nov taǵaıyndaldy.

Prezıdent Qyrymbek Kósher­baevqa jemisti jumysy úshin rı­zashylyǵyn bildirip, sońǵy bir­neshe jylda óńir úlken ekono­mı­kalyq tabysqa jetkenin atap ótti.

Prezıdent óziniń tapsyr­ma­sy boıynsha Premer-Mınıstr­diń bi­rinshi orynbasary О́mir­zaq Shó­keev bastaǵan arnaıy Úkimettik komıssııa Mańǵystaý oblysynda bolyp, turǵyn­dar­men kezdesý ót­kizgenin, jaǵ­daıdy sol jerde jan-jaqty tek­sergenin aıtty. Úkimet Ja­ńaózendegi tártip­siz­dik­terdiń saldaryn joıý jáne qalany qalpyna keltirý boı­yn­sha ar­naıy sharalar josparyn bekitti. Osy maqsatqa Úkimet tara­py­nan 3 mlrd. teńgeden astam soma bólinip otyr. Jeke menshik ıeleriniń zardap shekken ny­sandaryn qalpyna keltirý úshin bıýdjetten tys qarajat tartý qarastyrylǵan.

Qazirgi kezde Jańaózen qala­syn­daǵy jaǵdaı turaqtan­dy­ryl­ǵan. Basqarý organdary qalypty rejimde jumys istep tur.

Memleket basshysy atap kór­setkendeı, jappaı tártipsiz­dik­ter­diń týyndaýyna buzaqy top­tyń is-áreketteri basty sebep bol­ǵan. Olar jumystan bosatyl­ǵan qyz­metkerler men «О́zen­munaıgaz» kompanııasy bas­shy­lyǵy arasyn­daǵy uzaqqa sozyl­ǵan eńbek jan­jalyn paıda­lanǵan.

– Úkimet, «Samuryq-Qazyna» qory, «QazMunaıGaz» kompanııa­sy meniń eńbek daýyn der kezinde sheshý jónindegi tapsyrmamdy oryn­damady. О́kinishke qaraı, olar bul máseleni sheshýde dár­mensizdik ta­nytty. Ulttyq kompanııa men onyń enshiles qu­rylymdarynyń basshylyǵynda kóptegen kezdeı­soq adamdar bol­ǵan. Osynyń bar­lyǵy menedjment tıimdiliginiń tómendeýine ákelip soqtyrdy. Son­dyqtan men «QazMunaıGaz» ulttyq kompa­nııa­synyń jańa bas­shylyǵyna Lázzat Qıynovty, al «Qaz­MunaıGaz» BО́» kompanııa­sy­nyń basshylyǵyna Alık Aıdar­baev­ty taǵaıyndaımyn, – dedi Memleket basshysy.

Prezıdent Úkimetke ókiletti úkimettik qurylymdardyń, «Qaz­MunaıGaz» kompanııasynyń atal­ǵan jaǵdaıdaǵy is-qımylyn jan-jaqty tekserip, kinálilerdi jazalaý, sondaı-aq «QazMunaıGaz» kompanııasynyń basqarý júıesin reformalaý boıynsha naqty usynystar berýdi tapsyrdy.

Keńes qorytyndysy boı­yn­sha Memleket basshysy ókiletti memlekettik organdardyń al­dyn­da qysqa merzimde Jańaózen qalasyndaǵy jaǵdaıdy qalpyna keltirý boı­yn­sha barlyq qajetti sharalardy qa­byl­daý mindeti turǵanyn atap ótti.

Memleket basshysy sondaı-aq Jańaózen qalasynda bolyp, qalpyna keltirý jumystarynyń barysymen tanysty. Nursultan Nazarbaev jappaı tártipsizdikter kezinde qırap-búlingen nysan­dar­da bolyp, qala turǵyn­dary­men, quqyq qorǵaý organdarynyń ókilderimen kezdesti.

Sodan keıin el Prezıdenti qala aktıvimen, munaı uıymdary eńbek ujymdarynyń ókilderimen kezdesý ótkizdi.

Kezdesý barysynda Memleket bas­shysy Qazaqstan qoǵamynyń bas­ty qundylyǵy – táýelsizdik, beı­bitshilik jáne kelisim ekenin atady.

– Jıyrma jyl buryn, hal­qymyzdyń tarıhynda biz tuńǵysh ret táýelsizdikke qol jetkizdik. Biz osy qasıetti qundylyqty ba­ǵa­laı bilýge tıistimiz. Táýel­siz­diktiń 20 jyldyǵyndaǵy jappaı tártipsizdikter bizdiń barlyq hal­qymyzdyń jazǵyrýyn týǵyz­dy. Shahterler, metallýrgter, eń­bek ujymdary búkil elimiz boıynsha tártipsizdikterdi jaz­ǵyr­dy, – dep atap ótti Nursultan Nazarbaev.

Kezdesý barysynda L.Qıynov sóz sóıledi. Ol jumystan bosa­tyl­­ǵan qyzmetkerlerdi eńbekke or­na­las­tyrýdy qosa alǵanda, barlyq problemalardyń taıaý ýaqyttarda sheshiletinine sendirdi. A.Aıdarbaev Prezıdenttiń bar­lyq tapsyr­ma­larynyń eń qysqa merzimde oryn­dalatynyn atap kórsetti.

– Nursultan Ábishuly, tarıhı Otanyna oralǵan bizdiń otan­dastarymyzǵa Siz jeke qoldaý kórsetip kelesiz. Biz Sizge, Sizdiń eń­begińizge, osy sátte qoldaý kór­setip jáne problemalardy sheshý úshin kelgenińizge rızamyz, –  dep atap ótti «Nurly kósh» memlekettik baǵdarlamasy boıynsha kelgen otandastardyń qalalyq bir­les­tiginiń tóraǵasy S.Muqashev.

Memleket basshysy qoǵam­da­ǵy beıbitshilik pen  kelisimniń qa­zaq­stan­dyqtardyń basty qun­dy­lyq­tary ekenin atap kórsetti. Mań­ǵystaý – bul ejelden qazaq­tarda turaqtylyqtyń, beıbitshilik pen kelisimniń tiregi bolyp sanalǵan ǵasyrlar boıǵy dástúrler mekeni.

– Eger bizde beıbitshilik pen bitim ornasa, onda bizdiń bala­lary­myz da baqytty bolady. Halyq birligi – ol bizdiń eń basty qundylyǵymyz degen uly Abaıdyń sózin umytpańyzdar, – dedi Memleket basshysy.

Prezıdent Úkimetke meılinshe qysqa merzimde Jańaózen qa­lasyndaǵy qıraǵan nysandardy jedel qalpyna keltirý úshin bar­lyq uıymdastyrý, qarjy máse­le­lerin sheshýdi jáne qalanyń tirshiligin qamtamasyz etetin nysan­dardyń qalypty jumys isteýin qamtamasyz etýdi tapsyrdy. Mem­leket basshysy eldiń ózge óńirleriniń qalanyń qıraǵan ny­sandaryn qalpyna keltirý úshin kómek kórsetýge umtylys bildirip otyrǵanyn atap ótti. Onyń syrtynda N.Nazarbaev otandyq kásipkerlerdiń de qıraǵan ny­san­dardy qalpyna keltirýge jáne qalany kóriktendirýge yqpal etetinderin habarlady.

Prezıdent atap ótkendeı, Úki­metke, «Samuryq-Qazyna» ult­tyq ál-aýqat qoryna «Qaz­MunaıGaz» ulttyq kompanııa­sy­nyń qury­lym­dyq bólimshelerine zańdy tul­ǵa mártebesin berý jó­ninde she­shim qabyldaý kerek. Bul olar­dyń eńbek ujymdarynyń áleý­met­tik máselelerin shuǵyl túrde sheship otyrýlary úshin qajet.

Memleket basshysy О́mirzaq Shókeev basqaratyn úkimettik ko­mıssııaǵa eki apta ishinde «О́zen­munaıgaz» kompanııasynyń qyz­met­­kerleri men Jańaózen qalasy turǵyndarynyń narazylyǵyn tý­dyrǵan barlyq sebepterdi anyq­taý­dy jáne ol sebepterdi joıý jó­ni­nen usynystar túsirýdi tapsyrdy.

Prezıdent árbir jańa­ózen­dik­tiń údemeli ındýstrııalyq-ınno­va­sııalyq damý baǵdarlamasy sheń­­berinde ashylǵan  kásip­oryn­dar­dyń birinde jumysqa orna­lasýǵa múmkindigi bar ekenin atap kór­setti.

Nursultan Nazarbaev Bas pro­kýratýraǵa, Ishki ister mınıstrligine jappaı tártipsizdik faktileri boıynsha qylmystyq isterdi tergeý jóninen barlyq qa­jetti sharalar qabyldaýdy tap­syrdy. Barlyq kináliler men jap­paı tártipsizdik týdyrýshy­lar­dy anyqtaý jáne izdeý jó­nindegi jumystardy kú­sheı­tý qa­jet. Tergeý barysy, Mań­ǵystaý oblysy ardagerler keńe­siniń tóraǵasy О́mirzaq Ozǵanbaev bas­taǵan qoǵamdyq komıssııany tarta otyryp, ashyq jáne jarııa túrde júrýge tıis.

Prezıdent atap kórsetkendeı, sarapshylardyń basym kópshiligi, onyń ishinde sheteldik sarap­shy­lar da bul arnaıy uıymdas­ty­rylǵan aksııa, Jańaózendegi jappaı tártipsizdikter «naqty uıym­dastyrylýy men ótkizilý ýaqyty aıǵaqtap otyrǵandaı, arandatý­shylyq sıpattaǵy josparlanǵan aksııa»  degen pikirdi ustanady. Bútindeı alǵanda, bul oqıǵany, sol sııaqty ony sheshý jónindegi memlekettik organdardyń is-qımylyn  sheteldikter obek­tıvti turǵyda túsinip otyr.

Jańaózendegi qaıǵyly jáıt eldiń búkil azamattary úshin ortaq qaıǵyǵa aınaldy, dep atap ótti Memleket basshysy sóziniń sońynda. Búkil qazaqstandyqtar tártipsizdikterdi uıymdasty­rý­shy­lardyń is-áreketterin bir­aýyzdan aıyptady. Jańaózendegi oqıǵa qazaqstandyq qoǵamdaǵy turaqtylyq pen birlikti ny­ǵaı­týdyń mańyzdylyǵyn is júzinde kórsetip berdi. Búginde álemde birde-bir el teńdesi joq ja­han­dyq ekonomıkalyq daǵdarystyń zardabyna aınalyp otyrǵan jappaı tártipsizdikterden qashyp qutyla alǵan joq.

– Qazaqstandyqtardyń birli­gi­niń, birizdi júrgizilgen áleý­met­tik-ekonomıkalyq saıasattyń ar­qa­synda bizde Jańaózendegi qa­lypty ómirdi qalpyna keltirý jónindegi búkil qajetti jumys­tar­dy baryn­sha qysqa merzimde atqaryp shy­ǵý­ǵa barlyq múm­kindikter bar. Osy­ǵan oraı bar­lyq memlekettik or­gan­darǵa birlesken jáne ózara úı­lestirilgen jumystardy uıym­das­ty­rýdy tap­syramyn. Barlyq ju­mys shapshań, barynsha qysqa merzimde  atqarylýǵa tıis. Tergeý ba­ry­­syn men jeke baqylaýymda us­taı­tyn bolamyn, dedi Memleket basshysy.

-----------------------------------------

Sýretterdi túsirgender S.BONDARENKO, B.OTARBAEV.