Qazaqstannyń álemdik aýqymdaǵy bedeli bıik

Prezıdent Nursultan Nazarbaevty Qazaqstan Táýelsizdiginiń mereıtoıymen shet memleketterdiń, halyqaralyq uıym­dar­dyń, birqatar álemdik kompanııalardyń basshylary, ózge el­der­diń qoǵamdyq saıası qaıratkerleri men azamattary quttyqtady, dep habarlady Qazaqstan Respýblıkasy Prezıdentiniń baspasóz qyzmeti. «О́tken jyldar ishinde Qa­zaq­stan damýdyń jan-jaqty jáne yrǵaqty jolynan ótti. Saıası, áleýmettik jáne gýmanıtarlyq salada júrgizilgen reformalar, son­daı-aq álemdik qoǵamdastyqpen ıntegrasııalaný baǵytynda jasalǵan mańyzdy qadamdar qazirgi zamanǵy Qazaqstannyń beınesin qalyp­tastyryp, Sizdiń elińizge álemdik arenada úlken bedel ákeldi» delingen Ázerbaıjan Respýblıkasynyń Prezıdenti  Ilhan Álıevtiń qut­tyqtaý jedelhatynda. Katar Memleketiniń Ámiri Hamıd ben Halıfa Ál Tanı óz quttyqtaýynda bizdiń halqymyzǵa odan ári órkendeý men progress, son­daı-aq eki el arasyndaǵy ynty­maqtastyq baılanystardy nyǵaıta túsýdi tileıdi. Palestına Memleketiniń Prezıdenti Mahmýd Abbas Memleket basshysyn Qazaqstan Táýel­siz­di­giniń 20 jyldyǵymen quttyqtaı otyryp «Biz Sizdiń týystyq qoldaýyńyzdy jáne Sizdiń Palestına halqymen yntymaqtastyǵy­ńyz­dy joǵary ba­ǵa­laımyz, bizdiń týystyq qarym-qa­tynastary­myz­dy, ózara syılastyq pen qurmetti maqtan tutamyz» dep atap kór­setken. Brazılııa Federatıvti Respýb­lıkasynyń Prezıdenti Dılma Rýsseftiń quttyqtaý jedelha­tyn­da bylaı delingen: «Sizdiń bas­shy­lyǵyńyzben el jańǵyrýdyń ıntensıvti jáne jemisti úderisinen ótti. Sizdiń Joǵary Mártebeńizdiń nusqaýlaryna sáıkes júrgizilgen syrtqy saıasat Eýropa men Azııa arasyndaǵy kópir retinde mańyzdy ról atqara otyryp, Ortalyq Azııa­daǵy damý men turaqtylyqqa óz úlesin qosty. Halyqaralyq qoǵam­dastyq ıadrolyq qarýdy taratpaý jáne turaqty damý isine qosqan Sizdiń úlesińizdi moıyndady. Qa­zaqstannyń atalǵan jahandyq jáne kókeıkesti máselelerde ma­ńyz­dy ról atqaratynyn nazarǵa ala otyryp men Sizdiń Joǵary Mártebeńizdi 2012 jyly Rıo-de-Janeıroda ótetin BUU-nyń tu­raq­ty damý jónindegi RIO+20 kon­ferensııasyna qatysýǵa shaqy­rýym­dy taǵy da qaıtalaımyn». Ujymdyq qaýipsizdik shart uıymynyń Bas hatshysy N.Bordıýja Nursultan Nazarbaevqa Eýrazııa keńistigindegi qaýipsizdik pen turaqtylyqty nyǵaıtý jónindegi jigerli kúsh-jigeri úshin, UQShU qyzmetine turaqty nazar aýdaryp otyratyndyǵy úshin rızashylyǵyn bildiredi. M.V.Lomonosov atyndaǵy Más­keý memlekettik ýnıversıtetiniń rektory, Ýnıversıtetterdiń eýr­a­zııa­lyq assosıasııasynyń Prezıdenti, RǴA vıse-prezıdenti V.Sa­dovnıchıı óz quttyqtaýynda bylaı dep jazady: «Táýelsizdik jyldary ishinde Qazaqstan Sizdiń basshy­ly­ǵyńyzben damýda tamasha ta­bys­tarǵa qol jetkizip, álemde laıyqty ornyn aldy. Qazaqstan halqynyń jetistikteri men Reseıdegi jáne búkil álemdegi Qazaqstan Respýb­lıkasyna degen úlken qurmet so­nyń jarqyn dáleli bolyp taby­lady. M.V.Lomonosov atyndaǵy Máskeý memlekettik ýnıversıteti Eýrazııalyq odaq qurý ıdeıasynyń tuńǵysh ret osydan 17 jyl buryn MMÝ qabyrǵasynda habar­lan­ǵanyn maqtan etedi». «Shevron» korporasııasynyń Dı­rektorlar keńesiniń burynǵy tór­aǵasy jáne Bas atqarýshy dı­rek­tory  Devıd O`Raıllıdiń qut­tyqtaýynda bylaı dep atap ótil­gen: «О́zi qurylǵan kúnnen bergi kezeńdegi eldiń tańqalarlyq eko­no­mıkalyq ósimi – Sizdiń paıymyńyz ben basshylyǵyńyzdyń durys­ty­ǵynyń dáleli. Siz О́zińiz jáne Sizdiń otan­dastaryńyz Táýelsiz­dik­tiń 20 jyly ishinde qol jetkizgen tabys­ta­ry úshin zor maqtanysh sezimine bólenýge tıissizder. Jeke basym­da­ǵy jańalyqty ortaǵa sala oty­ryp, ózimniń tórtinshi ne­me­remniń 2011 jyldyń 16 jeltoq­sanynda tý­ǵanyn habarlaǵym keledi. Ata-analary ony Grem Krýdnıer dep atady. Men olarǵa bastapqy «K» áripi Qazaqstan sóziniń sım­voly bolyp tabylady, sondyqtan olar nemeremdi ekinshi esimimen – Nur­sultan dep ataýy kerektigin aıt­tym!». Sol sııaqty Úndistan Respýb­lıkasynyń  Prezıdenti Pratıbhı Dıbısıngh Patıladan, Izraıl Memleketiniń Prezıdenti Shımon Peresten, Avstralııa odaǵynyń general-gýbernatory Kventın Braı­stan, Lıvan Respýblıkasynyń Prezıdenti Mıshel Sýleımannan, Aljır Halyq Demokratııalyq Respýblıkasynyń Prezıdenti Abdel Azız Betıflıkten, Aýǵanstan Islam Respýblıkasynyń Prezıdenti Hamıd Karzaıdan, Shrı-Lanka Demokratııalyq Sosıalıstik Respýblıkasynyń Prezıdenti Mahında Radjapaksydan, Japonııa Imperatory Akıhıtodan, Úndistan Respýblıkasynyń Premer-mınıstri Manmohan Sınghten, Katar Memleketiniń Premer-mınıstri Ha­mad ben Djasem ben Djaber Ál Tanıden, Katar Memleketiniń taq murageri Tamım ben Hamad Ál Tanıden, Reseı Federasııasy Syrtqy barlaý qyzmetiniń dırektory M.Fra­dkovtan, RF Joǵarǵy soty­nyń tóraǵasy V.Lebedevten, RF FJ Memlekettik Dýmasynyń de­pý­taty, KSRO halyq ártisi I.Kobzonnan, Máskeý oblysynyń gýber­na­tory B.Gromovtan, Omby obly­sy­nyń  gýbernatory L.Polejaevtan, Halyqaralyq arhıtektýra aka­demııasynyń prezıdenti Iý.Platonovtan, Oral Memlekettik zań akademııasynyń rektory V.Býblıkten, M.V.Lomonosov atyndaǵy MMÝ-dyń qazaqstandyq fılı­aly­nyń dırektory A.Sıdorovıchtan, Dneprodzerjınsk qalasynyń (Ýk­raına) basshysy S.Safronovadan, TMD Úkimet basshylary keńesi janyndaǵy Internasıonalıst-jaý­yngerler isteri jónindegi komıtet tóraǵasy R.Aýshevten, «Ek­son Mobıl» korporasııasynyń tór­aǵasy R.Tıllersonnan, «Radington Industrial» kompanııasynyń atqa­rý­shy dırektory R.Glınıchannan, «ENI» kompanııasynyń ókili K.Des­kalsıden quttyqtaýlar kelip tústi.