О́ńirlik kommýnıkasııalar qyzmetiniń alańynda ótken brıfıngte E.Seıtenov I jartyjyldyqta jospardan tys júrgizilgen 547 tekseris aıasynda 515 jer zańnamasynan buzýshylyq anyqtalyp, jalpy somasy 23 364 490 teńgege aıyppul túrindegi ákimshilik sharalar qoldanylǵanyn málimdedi. Onyń ishinde: 58 – memleket menshigindegi jerdi óz erkimen basyp alǵandarǵa QR «Ákimshilik quqyq buzýshylyq týraly» Kodeksiniń (budan ári – ÁQBtK) 136 baby boıynsha 15 812 820 teńge; 13 – jer ýchaskesin nysanaly maqsatyn buza paıdalanǵany úshin 480 970 teńge; 6 – aýyl sharýashylyǵy maqsatyndaǵy jerdi paıdalanbaǵany úshin 7 070 700 teńgege aıyppul salynǵan.
Al 279-y nysandar qurylysy úshin berilgen jer ýchaskelerin paıdalanbaǵan, olarǵa arnaıy nusqaýlar berilgen. Atalǵan zań buzýshylyqqa ákimshilik aıyppul kózdelmegen.
Sonymen qatar, Almaty qalasynyń sottaryna jeke jáne zańdy tulǵalarǵa tıesili nysandar qurylysyna berilip, paıdalanbaı jatqan 78 jer ýchaskesin májbúrlep alyp qoıý týraly talap aryzdar berilgen. I jartyjyldyqta 631 jeke tulǵalardan, zańdy tulǵalardan 223, 745 memlekettik organdardan, jalpy sany 1599 ótinish kelip túsken.
Elvıra Serikqyzy,
«Egemen Qazaqstan»
ALMATY
