Kezdesý barysynda elimizdiń ınvestısııalyq tartymdylyǵyn arttyrý, bıznes ahýalyn jaqsartý jáne salyq saıasatyn jetildirý máseleleri talqylandy. Atap aıtqanda, QShIKQ músheleriniń sheteldik ınvestorlardyń salyq zańnamasyn buzýyna jaýapkershilikterine qatysty usynystar qaraldy.
Kún tártibinde talqylanǵan máseleler boıynsha QShIKQ músheleri: Keńestiń basqarma tóraǵasy, QR-daǵy Eýropa qaıta qurý jáne damý bankiniń basshysy A. Preımanıs, ShIK jumys tobynyń sheteldik taraptan ınvestısııalyq saıasatty iske asyrý máseleleri jónindegi teń tóraǵasy, «EY» kompanııasynyń Qazaqstan jáne Ortalyq Azııa boıynsha basqarýshy seriktesi E. Dosymbekov, Ortalyq Azııa aımaǵy boıynsha ENI atqarýshy vıse-prezıdenti L. Vınıatı, Astana q. «Qytaı ulttyq munaı-gaz korporasııasy» ókildiginiń dırektory L. Iýnghong, «PwC Qazaqstan» kompanııasynyń Salyq jáne zań qyzmetteri departamentiniń jetekshisi M. Ahern, «Shell Qazaqstan» kompanııasynyń syrtqy baılanystar jáne memlekettik organdarmen ózara is-qımyl jónindegi dırektory Z. Bakenova sóz sóıledi.
Eske sala keteıik, «Qazaqstannyń sheteldik ınvestorlar keńesi» Qaýymdastyǵy Qazaqstan Respýblıkasynyń Prezıdenti janyndaǵy Sheteldik ınvestorlar keńesiniń (ShIK) sheteldik músheleriniń bastamasy boıynsha resmı Hatshylyq jáne sheteldik taraptan Keńestiń qyzmetin úılestirýshi retinde qurylǵan. Qaýymdastyq Keńestiń sheteldik múshelerine turaqty uıymdastyrýshylyq, úılestirý, aqparattyq jáne tehnıkalyq qoldaý kórsetedi. QShIKQ óz músheleriniń atynan QR Úkimetiniń, memlekettik qurylymdardyń, sheteldik kompanııalardyń, dıplomatııalyq korpýstyń, bıznes-qaýymdastyqtardyń jáne t.b. ókilderimen áriptestik qarym-qatynas ornatý jumystaryn atqarady.
