Qazaqstan Respýblıkasy Indýstrııa jáne jańa tehnologııalar mınıstrligi
2011 jylǵy 27 qyrkúıektegi №349 Astana qalasy
Qazaqstan Respýblıkasy Ekonomıkalyq damý jáne saýda mınıstrligi
2011 jylǵy 1 qazan №324 Astana qalasy
BIRLESKEN BUIRYQ
Jer qoınaýyn zertteý jáne paıdalaný aıasynda jeke kásipkerlik salasyndaǵy táýekelder dárejesin baǵalaý ólshemderin bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańy 13-babynyń 4-tarmaǵyna sáıkes buıyramyz: 1. Qosa berilip otyrǵan Jer qoınaýyn zertteý jáne paıdalaný aıasynda jeke kásipkerlik salasyndaǵy táýekelder dárejesin baǵalaý ólshemderi bekitilsin. 2. Qazaqstan Respýblıkasy Indýstrııa jáne jańa tehnologııalar mınıstrliginiń Geologııa jáne jer qoınaýyn paıdalaný komıteti (B.M.Turǵanbaev): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń onyń Qazaqstan Respýblıkasy Ádilet mınıstrliginde memlekettik tirkeýden ótkennen keıin resmı jarııalanýyn; 3) osy buıryqtyń Qazaqstan Respýblıkasy Indýstrııa jáne jańa tehnologııalar mınıstrliginiń resmı ınternet-resýrsynda jarııalanýyn qamtamasyz etsin. 3. Qazaqstan Respýblıkasy Ekonomıka jáne bıýdjettik josparlaý mınıstriniń 2010 jylǵy 18 aqpandaǵy № 72 jáne Qazaqstan Respýblıkasy Energetıka jáne mıneraldyq resýrstar mınıstriniń mindetin atqarýshynyń 2010 jylǵy 15 aqpandaǵy № 30 «Jer qoınaýyn paıdalaný salasyndaǵy táýekel dárejesin baǵalaý krıterıılerin bekitý týraly» birlesken buıryǵynyń (Normatıvtik quqyqtyq aktileriniń memlekettik tirkeý tiziliminde № 6078 tirkelgen, 2010 jylǵy 13 mamyrdaǵy № 67 (1863) «Iýrıdıcheskaıa gazeta» jáne 2010 jylǵy 13 mamyrdaǵy № 67 (1689) «Zań gazeti» gazetterinde jarııalanǵan) kúshi joıyldy dep tanylsyn. 4. Osy buıryqtyń oryndalýyn baqylaý Qazaqstan Respýblıkasy Indýstrııa jáne jańa tehnologııalar vıse-mınıstri N.E. Saýranbaevqa júktelsin. 5. Osy buıryq alǵash ret resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasy Indýstrııa jáne jańa tehnologııalar mınıstriniń mindetin atqarýshy _________________ A. Raý Qazaqstan Respýblıkasy Ekonomıkalyq damý jáne saýda mınıstriniń mindetin atqarýshy _________________M. QusaıynovQazaqstan Respýblıkasy Indýstrııa jáne jańa tehnologııalar mınıstriniń mindetin atqarýshy 2011 jylǵy 27 qyrkúıektegi №349 jáne Qazaqstan Respýblıkasy Ekonomıkalyq damý jáne saýda mınıstriniń mindetin atqarýshy 2011 jylǵy 1 qazandaǵy №324 birlesken buıryǵymen bekitildi
Jer qoınaýyn zertteý jáne paıdalaný aıasynda jeke kásipkerlik salasyndaǵy táýekelder dárejesin baǵalaý ólshemderi
1. Jalpy erejeler
1. Osy jer qoınaýyn zertteý jáne paıdalaný aıasynda jeke kásipkerlik salasyndaǵy táýekelder dárejesin baǵalaý ólshemderi (budan ári – О́lshemder) jer qoınaýyn zertteý jáne paıdalaný jónindegi ýákiletti organymen jer qoınaýyn zertteý jáne paıdalaný salasyndaǵy qyzmetti júzege asyratyn sýbektilerdi táýekelder dárejesi boıynsha jatqyzý úshin «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy jáne «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Zańdaryna sáıkes ázirlendi. 2. Osy О́lshemderde mynadaı uǵymdar qoldanylady: 1) baqylaý sýbektisi – jer qoınaýyn paıdalaný jónindegi operasııalardy júrgizý quqyǵyna ıe jer qoınaýyn paıdalanýshy; 2) jer qoınaýyn zertteý jáne paıdalaný salasyndaǵy táýekelder – jer qoınaýyn zertteý jáne paıdalaný salasyndaǵy sýbektiler qyzmetiniń nátıjesinde, olardyń zardaptarynyń aýyrlyǵyn eskere otyryp, jer qoınaýynyń jaǵdaıyna, mıneraldyq shıkizat qoryna zııan keltirýiniń yqtımaldyǵy.2. Táýekelder túrleri jáne táýekelder dárejeleri boıynsha baqylaý sýbektilerin bólý
3. Jeke kásipkerlik salasyndaǵy táýekelder dárejesi boıynsha baqylaý sýbektilerin jatqyzý bastapqy jatqyzýda obektıvti ólshemderi jáne keıingi jatqyzýynda sýbektıvti ólshemderi negizinde júzege asyrylady. 4. Baqylaý sýbektileri bastapqy bólýde mynadaı táýekelder dárejelerine bólinedi: 1) joǵary táýekel dárejesine: qatty paıdaly qazbalardy, kómirsýtek shıkizatyn óndirý boıynsha qyzmetti júzege asyratyn; oblystyq mańyzy bar, Astana, Almaty qalalaryn sýmen jabdyqtaý úshin jerasty sýlaryn óndirý boıynsha qyzmetti júzege asyratyn baqylaý sýbektileri jatady; 2) ortasha táýekel dárejesine: qatty paıdaly qazbalardy, kómirsýtek shıkizatyn barlaý boıynsha qyzmetti júzege asyratyn; oblystyq mańyzy bar, Astana, Almaty qalalaryn sýmen jabdyqtaý úshin jerasty sýlaryn óndirý boıynsha qyzmetti júzege asyratyndardy eseptemegende, keń taralǵan paıdaly qazbalar men jerasty sýlaryn barlaý jáne óndirý boıynsha qyzmetti júzege asyratyn baqylaý sýbektileri jatady; 3) eleýsiz táýekel dárejesine: aýdandyq mańyzy bar qalalaryn jáne selolyq eldi mekenderdi sýmen qamtamasyz etý úshin jerasty sýlaryn barlaý jáne óndirý boıynsha qyzmetti júzege asyratyn; barlaýmen jáne (nemese) óndirýmen baılanysty emes jerasty qurylystaryn salý jáne (nemese) paıdalaný boıynsha qyzmetti júzege asyratyn baqylaý sýbektileri jatady. 5. Baqylaý sýbektilerin keıingi bólý kezinde, ár buzýshylyqqa tıisti baldar beriledi: kenornynyń óndirý jobasy boıynsha josparly óndirý kóleminiń oryndalýy: 50%-ǵa deıin – 20 ball; 50%-dan 70%-ǵa deıin – 15 ball; 70%-dan 90%-ǵa deıin – 10 ball; 90%-dan 95%-ǵa deıin – 5 ball; kenornynyń óndirý jobasy boıynsha josparly arshý kóleminiń oryndalýy: 50%-ǵa deıin – 20 ball; 50%-dan 70%-ǵa deıin – 15 ball; 70%-dan 90%-ǵa deıin – 10 ball; 90%-dan 95%-ǵa deıin – 5 ball; kenornyn óndirýdiń kúntizbelik kestesiniń saqtalmaýy – 20 ball; jobalyq shekterden tys jumys júrgizý – 20 ball; joǵaltýlar normatıvterin saqtalmaý – 20 ball; óndirýdi durys esepteýdi qamtamasyz etpeý – 20 ball; paıdaly qazbalardy utymdy jáne keshendi paıdalaný mindetteriniń saqtalmaýy – 20 ball; ilespe jáne (nemese) tabıǵı gazdy normatıvten tys jaǵý – 20 ball; uńǵymalar qorynyń saqtalmaýy – 20 ball; qabat qysymyn kóterý úshin jumys agentin (sýdy, gazdy) qaıta aıdaý kóleminiń saqtalmaýy – 20 ball; kenoryndaryn jobaǵa sáıkes abattandyrý boıynsha jumystardyń oryndalmaýy – 20 ball; uńǵylardy salý jáne paıdalaný kezinde tehnıkalyq jaǵdaıdyń buzylýy – 20 ball; Jumys baǵdarlamasyna jáne barlaý jobalaryna sáıkes geologııalyq barlaý jumystaryn júrgizý kestesiniń saqtalmaýy – 10 ball; obektini synamalyq paıdalaný kezinde zertteý jumystary kóleminiń oryndalmaýy – 10 ball; jerasty sýlary monıtorınginiń júrgizilmeýi – 5 ball; sý alý qondyrǵylarynda alǵashqy sý alý esebiniń bolmaýy – 5 ball. Keltirilgen táýekelderdiń árqaısysy sandyq formatta qaralady jáne táýekelder dárejesin anyqtaý úshin málimetter retinde paıdalanylady. Mynadaı ball jınaǵan sýbektiler: 80 baldan joǵary - joǵary dárejeli táýekeldilerige; 30-dan 80 balǵa deıin - ortasha dárejeli táýekeldilerige; 30-ǵa deıin - eleýsiz dárejeli táýekeldilerge jatqyzylady. 6. Qyzmet kezeńinde, jeke kásipkerlik salasyndaǵy baqylaý sýbektileri, buzýshylyqqa jol bergen jaǵdaıda, tıisti tekserýlerdiń rettiligine qaraı, tómengi dárejeli sanattan neǵurlym joǵary táýekel dárejesine jáne kerisinshe aýysýy múmkin. Bir táýekelik tobynyń ishinde tekserýler júrgizý kezegi: 1) óndirý kólemi boıynsha; 2) jınalǵan baldardyń anaǵurlym kóp somasy boıynsha anyqtalady. Buıryq Qazaqstan Respýblıkasynyń Ádilet mınıstrliginde 2011 jylǵy 24 qazandaǵy Normatıvtik quqyqtyq kesimderdi memlekettik tirkeýdiń tizilimine №7276 bolyp engizildi.
