Ikomek ortalyǵy arqyly áleýmet jaǵdaıy jiti baqylaýda tur. Munda turǵyndardyń ótinishteri qabyldanyp, kommýnaldyq jəne jedel qyzmetterdiń jumysy úılestiriledi. Derekterge sáıkes 109 biryńǵaı baılanys ortalyǵyna 2018 jyldyń 8 aıynda 461 myńnan astam ótinish kelip túsip, 77% sheshilgen.
«Kez kelgen shaǵym túrleri tez arada nazarǵa alynady. Áleýmettik jeliler ər 10 mınýt saıyn qaralyp turady. 109-ǵa kóshede shylymnyń qaldyǵyn tastaýdan bastap, elektr qýaty sónip qalǵan jaǵdaıda operatıvti túrde jumys komandasyn baǵyttaýǵa deıingi barlyq baqylaý, jedel əreket etý qyzmet túrleri kiredi. Ikomek beınebaqylaý arqyly qalanyń barlyq aýdanynda, kósheniń burysh-buryshynda kim ne istep jatyr - bəri kóz aldymyzda», dedi Astana qalasynyń ákimi.
Ikomek arqyly sonymen qatar qaladaǵy jol qozǵalysy da baqylanady.
«Táýlik boıy baqylaýdyń arqasynda biz búginde qalanyń qaı kóshelerinde jıi jol erejesi buzylatynyn bilip otyrmyz, sol boıynsha tıisti sharalar qabyldanýda», dedi Áset Isekeshev.
Ikomek ortalyǵynda qalany qadaǵalaıtyn 4422 beınebaqylaý kamerasy ornalasqan. Sol sııaqty ortalyqta Ishki ister departamentiniń qyzmetkerleri jumys isteıdi. IID ózara ərekettesý nətıjesinde ústimizdegi jyldyń basynan beri 1297 ótinish kelip túsip, onyń 1189-y óńdeldi.
«Búginge deıin jıi mazalap kelgen problemanyń biri - qudyqtardyń qaqpaǵyn urlaý. Beınebaqylaý men 109-ǵa habarlasý nətıjesinde urlyq tyıylǵan. Taǵy aıta ketetin məsele - qala turǵyndarynyń belsendiligi. Halyq qalanyń kóshelerinen qandaı da bir shuǵyl jóndeý nemese əreket etý problemalaryn ózderi 109-ǵa habarlasyp alady. Bul - halyqtyń jany ashıtyndyǵynyń belgisi», dedi Elorda basshysy.
