Tergeý barysynda anyqtalǵandaı, oqıǵa bıyl mamyr aıynda bolǵany anyqtaldy. Alaıda, vıdeo avtory ony áleýmettik jelige tek 27 tamyzda júktegen. Ata-analardyń biri balabaqshany vıdeodan birden tanyǵan. Onyń aıtýynsha, ol Temirtaý dańǵyly, Komsomol, 97 meken-jaıy boıynsha ornalasqan «Domık» balabaqshasy.
«Men vıdeodan balabaqshany birden tanydym. Vıdeoǵa túsip qalǵan ulymdy kózim shaldy. Ol tárbıeshiniń ersi áreketin baqylap jatty. Men áıeldi tanı aldym, biraq aty-jóni kim ekenin bilmeımin», deıdi ol.
Temirtaý bilim berý ortalyǵynyń jetekshisi Esentaı Áshim bul oqıǵany 2018 jyly mamyr aıynda Temirtaýda bolǵanyn rastady.
«Balabaqsha tárbıeshisi jumystan bosatyldy. Bul balabaqsha bilim berý bólimine kirmeıdi. Jeke menshik balabaqsha bolǵandyqtan, biz olardyń áreketterin qadaǵalaı almaımyz. Alaıda balalarǵa degen mundaı áreketine beıjaı qaraýǵa bolmaıdy. Soǵan sáıkes quqyq qorǵaý organdary balabaqshany tekseriske aldy», deıdi Esentaı Áshim.
Qazirgi tańda qaladaǵy barlyq tárbıeshilermen keńes ótip jatyr. Jıynǵa ata-analar da qatysty. Olar balabaqshada bolǵan oqıǵaǵa qatysty mundaı isterdiń aldyn alýdy talap etti.
Derekterge sáıkes polısııa qyzmetkerleri sotqa deıingi tergeý isterin júrgizip jatyr. Tergeý barysynda tárbıeshi áıel qylmysyn moıyndady.
