Is-shara 28-29 tamyzda Astana qalasynda ótetin Qazaqstan Respýblıkasynyń Konstıtýsııasy kúnine arnalǵan «Konstıtýsııa: quqyq ústemdiginiń azamattyq qoǵam men zamanaýı memlekettiń qundylyqtaryn iske asyrý» atty halyqaralyq konferensııa sheńberinde uıymdastyryldy.
Kezdesýge Armenııanyń, Belarýsııanyń, Ázerbaıjannyń, Qyrǵyzstannyń, Mońǵolııanyń, Reseıdiń, Tájikstan men О́zbekstannyń konstıtýsııalyq ádilet organdarynyń delegasııalary, sondaı-aq Konstıtýsııalyq sot tóreligi jónindegi búkilálemdik konferensııanyń Bas hatshysy Shnýts Dıýrr qatysty.
Konferensııa músheleri Ázerbaıjan Respýblıkasy Konstıtýsııalyq Sotynyń JDEKBOK quramyna enýi týraly ótinishin qanaǵattandyrdy.
Otyrysta qatysýshy memleketterdegi konstıtýsııalyq damý prosesterine, konstıtýsııanyń ústemdigin qamtamasyz etýdegi qazirgi zamanǵy syn-qaterlerge jáne óńirlik ári halyqaralyq deńgeılerdegi yntymaqtastyqty tereńdetýge baılanysty ózekti máseleler talqylandy.
Konferensııanyń qatysýshylary is-sharanyń mańyzdylyǵy men joǵary deńgeıin eskere otyryp, Aljırde Konstıtýsııalyq sot tóreligi jónindegi búkilálemdik konferensııanyń 5-kongresin ótkizýge qoldaý kórsetti.
Qonaqtar Qazaqstan Konstıtýsııalyq Keńesiniń bastamasy boıynsha jasalǵan Konferensııanyń ınternet-resýrsymen tanysty.
Taraptar merzimdi baspa basylymy – JDEKBOK Jarshysy redaksııalyq alqasynyń jańa quramyn bekitti jáne onyń formatyn aıqyndady. Oǵan tóraǵalardyń, sýdıalar men qyzmetkerlerdiń sóılegen sózderi, konstıtýsııalyq is júrgizý praktıkasyna sholýlar jáne Konferensııanyń barlyq músheleriniń mańyzdy sheshimderi jarııalanatyn bolady.
Budan basqa, Konferensııa qatysýshylary qaýymdastyqtyń qyzmetine baılanysty uıymdastyrýshylyq máselelerdi qarastyrdy.
Q. Mámı: «Biz budan ári de áleýeti túptep kelgende bizdiń elderimizde jáne olardyń shekterinen tys jerlerde quqyq ústemdigin nyǵaıtýǵa qyzmet etetin Konferensııany ortaq kúsh-jigerimizben damyta beretinimizge senim bildiremin», - dep sózin qorytyndylady.
