Biraq Qostanaı oblysynyń ońtústigindegi aýdandardyń olarǵa qatysýy shaban. Sondyqtan oblys ákimi Arhımed Muhambetov Torǵaı óńirine barǵan saparynda osy máseleni qarady.Ol boıynsha oblys ákiminiń orynbasary Meıirjan Myrzalıev baǵdarlama sheńberinde mıkrokredıt alý úshin jumysty jańa bastaýshy kásipkerler bıznesti júrgizý negizderi, sonyń ishinde «Bastaý-Bıznes» jobasy boıynsha oqýlary qajet ekenin atap ótti.
«О́tken jyly jobaǵa oblystyń ońtústik óńirleri qatyspady, bıyl barlyq aýdandar men qalalarda oqytý júrgizilýde. Jalpy 2 268 adamdy oqytý josparlanýda, bul ótken jylǵa qaraǵanda 2 ese kóp. Osy kúnge deıin 1 177 adam oqyp shyqty, olardyń 693-i ózderiniń bıznes-jobalaryn qorǵap, oqýdan ótkendigi týraly sertıfıkatqa ıe boldy, 484 adam jobaǵa qatysqany týraly sertıfıkat aldy. Aǵymdaǵy jyly oblystyń ońtústik óńirlerinen 132 adam oqydy» dedi Meıirjan Iıabaıuly.
Oblys basshysy óńir múmkindikti, memlekettik qoldaýdy barynsha paıdalaný kerektigin aıtty.
«Bıznespen aınalysamyn degender memleket tarapynan barlyq qoldaýdy ala alady. Sol maqsatta baǵdarlamalar jeterlik. «Bıznestiń jol kartasy 2020» baǵdarlamasyna qatysý óte tómen. Arqalyq qalasynan shamaly bar, Jangeldın aýdanynan 2 joba, Amangeldi men Naýyrzymnan bir de bireý joq.Aýdan basshylary, tıisti qyzmetkerler memlekettik baǵdarlamalardy turǵyndarǵa múmkindiginshe tanystyryp, túsindirýi kerek» dedi Arhımed Begejanuly.
Názıra Járimbet,
«Egemen Qazaqstan»
Qostanaı oblysy
