Oqıǵa elordalyq turǵyn úı keshenderiniń birinde bolǵan. Qulaǵan balany sol úıdiń tómengi qabatynda turatyn 28 jastaǵy Artem Qaraev qutqaryp qalǵan.
«Men balkonǵa shyqtym, adamdar aıqaılap júgirip júr eken. Barlyǵy men jaqqa qarap tur. Joǵary qarasam, bala salbyrap tur eken. Ol tómenge qaraı quldılaı bastaǵanda, men ony tosyp aldym. Balkonǵa qaraı tarttym», deıdi Artem Qaraev.
Onyń aıtýynsha, balanyń jasy shamamen jetide. Bala úıde jalǵyz qalǵan. Anasy 15 mınýtqa úıden shyqqan. Al esik qulyptaýly bolǵan. Dalaǵa serýendeýge shyqqysy kelgen ol terezedegi tordy pyshaqpen tesken. Tómen qaraı sekire bastaǵanda torǵa ilinip qalǵan.
Bul oqıǵaǵany IIM Tótenshe jaǵdaılar komıtetindegiler 24 qyrkúıekte Astanada bolǵanyn rastady.
«10:16-da balanyń 10-shy qabattan qulaýyna qaeip bar degen habarlama túsken. Elordalyq №2 mamandandyrylǵan órt sóndirý qyzmetiniń kezekshi bólimi 10:22-de jetken. Qutqarýshylar jetkenshe, 2012 jyly týǵan balany toǵyzynshy qabatta turatyn kórshisi qutqarǵany anyqtalǵan. Balanyń jaǵdaıy jaqsy, ol ata-anasyna tapsyryldy. Kómek qajet bolmady», dedi QR IIM TJK baspasóz qyzmetiniń ókilderi.
