Bul respýblıkadaǵy tórtinshi sıfrly HQO ekenin aıta ketsek deımiz. Osyndaı ortalyqtar Astana, Almaty, Shymkent qalalarynda qyzmet kórsetýde. Bunda azamattar memlekettik qyzmetterdi ózdiginshe, operatorlardyń kómeginsiz ala alady. Sondaı-aq ortalyqta sıfrly saýattylyqty arttyrýǵa arnalǵan oqý bólmesi jabdyqtalǵan.
«Sıfrly Qazaqstan» memlekettik baǵdarlamasy aıasynda azamattardy memlekettik qyzmetterdi óz betinshe alýǵa úıretýimiz qajet. Bul úshin osyndaı ortalyqtardy barlyq oblys ortalyqtarynda ashý josparlanǵan. Qazirgi ýaqytta sıfrly halyqqa qyzmet kórsetý ortalyqtary Astana, Almaty, Shymkent qalalarynda bar. Al Qostanaı qalasy úsh megapolısten keıin sıfrly HQO ashylǵan alǵashqy oblys ortalyǵy boldy», deıdi «Azamattarǵa arnalǵan úkimettiń» Qostanaı oblysy boıynsha fılıaly dırektorynyń orynbasary Azamat Imambekov.
Sonymen qatar ol Sıfrly HQO Táýelsizdik kóshesi 46 mekenjaıynda oryn tepken ǵımarattyń birinshi qabatynda ornalasqanyn, al atalǵan ǵımarattyń ekinshi qabatyna Qostanaı qalasynyń №1 HQO-sy kóshkenin tilge tıek etti.
«Osyǵan deıin bólim Táýelsizdik, 114 mekenjaıy boıynsha ornalasqan bolatyn. Turǵyndar tarapy osy bólimdegi jaǵdaıdy jaqsartýdy talap etip, jıi shaǵymdanatyn edi. Eskertýler esepke alynyp, zamanǵa saı ǵımaratqa kóshirilgen №1 bólim operatorlar qyzmet kórsetetin 21 jumys ústelimen jabdyqtaldy. Sondaı-aq Qostanaı qalasynyń áleýmettik qamtamasyz etý boıynsha bólimderi de osy ǵımaratta qyzmet usynyp, jumys isteıdi. Halyqqa qyzmet kórsetý ortalyqtary dúısenbi - senbi aralyǵynda tańnan keshke deıin úzilissiz jumys isteıdi», deıdi A.Imambekov.
