Otaǵasy Qojataı aqsaqal 94-ke kelse de, áli shıraq, myǵym. Keýdesi memlekettik marapattarǵa toly soǵys ardageri qan shaıqastan oralǵannan keıingi bar ǵumyryn bala tárbıesine arnapty. Qudaı qosqan qosaǵy Aısha ájeı ekeýi 10 ul-qyz ósirip, nemere-shóbere qyzyǵyn kórip otyr.
– Meniń áýletimde ustazdyq jolymdy qýǵan uldarym me kelinderimniń jumys ótilin eseptesem, 200 jylǵa jýyqtap qalady. Nemerelerimniń bári ystyq. Bahtııarym –elge áıgili veloshabandoz. Olımpıadaǵa qatysty. Qazir shetelde jattyǵyp júr. Kempirim ekeýmiz Baǵdattyń qolynda turyp jatyrmyz. Osy kúnge jetkenimizge shúkirshilik deımiz. Mereke saıyn syılyqtaryn ákelip, qurmettep jatady. Eń bastysy, kóńil ǵoı. Umytpaǵandaryna rahmet», deıdi Qojataı aqsaqal.
Erik Esimuly bir shańyraq astynda 70 jyl tútin tútetip, máýeli báıterek sekildi tamyryn tereńge jaıǵan qos qarııaǵa saýlyq tilep, ıyqtaryna shapan, qamzol japty. Basqa da tartý-taralǵylar jasady.
Bilim jáne ǵylym kásipodaǵy komıtetiniń tóraǵasy Nazymbek Orazymbetov te óz syılyqtaryn usyndy.
Sońǵy jyldary oblys aýmaǵynda birde-bir gaýhar toıdyń atalmaǵanyn eskersek, Nekibaevtar áýletine qandaı qurmet kórsetilse de artyqtyq etpeıdi.
О́mir ESQALI.
«Egemen Qazaqstan».
Soltústik Qazaqstan oblysy.
