Aıtýly jyr dodasyna Qyrǵyzstan elinen Asylbek Maratov , Mýndýzbek Ýsýpbek, Mońǵolııadan Rashat Aıdos, Qýantqan Amanjol syndy júldeli júırikter kelse, elimizdegi tanymal aqyndar Aıbek Qalıev, Rınat Zaıtov, Muhtar Nııazov, Rústem Qaıyrtaı, Maqsat Aqanov, Dıdar Qamıev, Meıirbek Sultanhan, Birjan Baıtýov jáne ózge de sóz sańlaqtary qatysyp otyr.
Bir aıta keterligi aıtysqa qatysqan aqyndar ǵana emes, jyr dodasynyń qazylyq quramy da halyqaralyq boldy. Túrkııadan belgili ǵalym, Ábdýaqap Qara, Mońǵolııadan aqyn, Shynaı Rahmetuly kelipti. Qazylar alqasynyń tóraǵasy – aqyn, Qazaqstan jazýshylar odaǵynyń tóraǵasy Ulyqbek Esdáýlet. Qazaqstannyń halyq aqyny Ásııa Berkenova, «Aıqyn» gazetiniń bas redaktory Nurtóre Júsip, belgili alashtanýshy Dıhan Qamzabekuly jáne aıtys aqyndary men jyrshy-termeshilerdiń halyqaralyq odaǵynyń tóraǵasy, aıtystyń aqsaqaly Júrsin Erman da qazylar qataryna jaıǵasypty.
Astananyń 20 jyldyǵyna oraı uıymdastyrylǵan aıtysqa kelgen 20 aqyn keshe sóz saıystyryp, solardyń ishinde halyqtyń da, qazylardyń da kóńilinen shyqqan Rınat, Meıirbek, Aıbek, Dıdar, Rústem, Muhtar, Maqsat syndy 12 aqyn búgin aıtys kórigin qyzdyrmaq.
Aıtys búgin «Qazaqstan» ortalyq konsert zalynda 18:00-de bastalady.
Ularbek NURǴALYMULY,
«Egemen Qazaqstan»
