Osy oraıda, «Spýtnık» stadıonynyń qaıta jańartý jumystarynan keıin Almatyda balalar men jasóspirimderge arnalǵan sý jańa «Jas qyran» fýtbol ortalyǵy ashyldy.
Jańa zaman talabyna saı jabdyqtalǵan stadıonda 800 adamǵa arnalǵan trıbýna boı túzegen. Oǵan qosa jattyqtyrýshylar men sportshylar úshin arnaıy bólmeler de bar. Italıadan ákelingen sońǵy úlgidegi FIFA-men sertıfıkattandyrylǵan drenajdy júıesi bar jasandy fýtbol alańy ortalyqtyń kelbetine ózgeshe kórik qosyp tur. Elý bilikti bapker tálim beretin ortalyqta 500-den astam fýtbolshynyń erkin jattyǵýyna qolaıly jaǵdaı jasalǵan. Eski ortalyqtyń qaıta jóndeý jumystary qala ákimdigi men «Balalar men jasóspirimder fýtbol ortalyǵy «Jas Qyran» JShS arasyndaǵy uzaq merzimdegi kelisim shart nátıjesinde júzege asqan.
– О́zderińiz biletindeı, Spýtnıktiń tarıhy óte baı. Kóptegen fýtbol juldyzdary ózderiniń kásibı mansaptaryn osy jerden bastaǵan bolatyn. Bul jastarǵa jańa shabyt syılap, kóptegen daryndardyń jolyn ashady dep senemin Bunyń barlyǵy Elbasymyzdyń sportty damytý saıasatynyń arqasynda júzege asyrylýda, – deıdi Qazaqstan fýtbol federasııasynyń prezıdenti Ádilbek Jaqsybekov.
Jyl basynan beri qalada «Sport meniń aýlamda» jobasy aıasynda 18 myń adamnyń sportpen shuǵyldanýyna jol ashylǵan. Sondaı-aq, jeke sporttyq mekemelerdiń qoldaýymen «Batyl bol» jobasy iske qosyldy. Bul joba jaǵdaıy tómen otbasylarǵa sportpen shuǵyldanýǵa múmkindik syılap otyr.
Shahar basshysynyń sózinshe, búgingi tanda Almaty velotreginiń jańartý jumystary aıaqtalýǵa jaqyn, al keler jyly megapolıste 5 myń adamǵa arnalǵan jabyq jeńil atletıka stadıony salynatyn bolady.
Arman OKTIаBR,
«Egemen qazaqstan»
ALMATY
