Jas sýretshilerdiń biri Ádemi Jetpisovanyń shyǵarmashylyǵynyń arqaýy – áýen men sýret tutastyǵy. Onyń kórkem týyndylarynan jastyq pen jiger oty alaýlaıdy. Ádemi ıdeıa men mazmundy alystan izdep áýre bolǵan emes, sazdy áýen shýaqty sıýjetti lyqsytyp ákelip qylqalam ushyna tógiltedi.
– Skrıpka týraly sıýjet burynnan oıymda júretin. Áýen men sýret – men úshin birtutas dúnıe. Skrıpkada áldebir shyǵarmany oınap turǵanymda kompozısııa kóretin boldym jáne ony anyq sýret qylyp salǵym keletin. Osylaısha sýret ónerine keldim, – deıdi Ádemi Jetpisova.
Jalpy Ekibastuz qalasyndaǵy kórkemsýret mektebiniń negizi 1984 jyly qalanyp, 2009 jyly shyǵarmashylyq jolynda jetken jetistikteri úshin IýNESKO klýby mártebesine ıe bolǵan.
Mádenı sharanyń ashylý saltanatynda sóz alǵan Elbasy kitaphanasy dırektorynyń orynbasary Kúláısha Aqtaeva «Týǵan ólkem» baǵdarlamasynyń sheńberinde ótetin barlyq kórmeler Astananyń 20 jyldyq mereıtoıyna arnalǵandyǵyn aıtty.
– Biz osy jyly Elbasymyzdyń «Bolashaqqa baǵdar: rýhanı jańǵyrý» maqalasyn nasıhattaý jolynda úlken jobamyzdy bastadyq. Joba aıasynda Ekibastuz qalasynan kórmege usynylǵan týyndylarǵa qarap, bolashaǵymyzdyń jarqyn ekenin baıqaýǵa bolady. О́ıtkeni bul kórmeden tek daryndy jastardyń ǵana emes, ustazdardyń da jumys nátıjesin kóre alamyz. Sondyqtan kórmege qoldaý kórsetip kelip jatqan ataqty sýretshiler men ustazdarǵa alǵysymdy bildiremin, – dedi ol.
Táýelsizdik kúni karsańynda jyl boıy ótkizilgen kórkemsýret mektepteri tárbıelenýshileriniń úzdik dıplom jumystary kórmesiniń qorytyndy festıvali ótkizilmek.
Aıa О́MIRTAI,
«Egemen Qazaqstan»
