Qurmetti Qazaqstan kásiporyndary men kompanııalarynyń basshylary!
Memleket basshysy Nursultan Nazarbaev Qazaqstan halqyna Joldaýynda halyqtyń ál-aýqatyn jaqsartýdy basty basymdylyq etip belgiledi.
Biz, Aqtóbe oblysynyń iri kásiporyndary men kompanııalarynyń basshylary, qazaqstandyqtardyń ál-aýqaty eń aldymen tabystyń turaqty ósýine baılanysty ekenin tolyq túsinemiz.
Osy oraıda, biz Elbasynyń jumysshylardyń jalaqysyn kóterý jónindegi bastamasyn tolyǵymen qoldaımyz.
Taý-ken, metallýrgııa, munaı-gaz salasy, qurylys jáne agroónerkásip kesheni, jol-kólik sektory – elimizdiń ekonomıkalyq qýatynyń negizi. Tutastaı ekonomıkanyń jańa sapaly serpininiń áleýeti bul salalarda shoǵyrlanǵan.
Prezıdent bastamasynyń arqasynda Aqtóbe oblysynyń ózinde ǵana júzdegen myń jumysshynyń materıaldyq jaǵdaıyn jaqsartýǵa múmkindik týyp otyr.
Qazaqstandyqtardyń áleýmettik jaǵdaıy men ómir súrý sapasyn jaqsartýdyń erekshe mańyzdylyǵyn eskere otyryp, biz eldegi barlyq kásiporyndardyń quryltaıshylary men basshylaryn Elbasynyń bastamasyn qoldap, 2019 jyldyń 1 qańtarynan bastap qyzmetkerlerdiń jalaqysyn 10%-dan tómen emes deńgeıde kóterýge shaqyramyz.
Bul otandastarymyzdyń tabysyn arttyryp qana qoımaı, eńbek resýrstarynyń ónimdiligi men sapasynyń eselep ósýine qýatty serpin beredi.
Prezıdent atap ótkendeı, «tek qana birlesken kúsh-jigerlerimizben biz úlken bıikterge jete alamyz», sol sebepti bizdiń úndeýimizdi qazaqstandyqtar tolyqtaı qoldaıtyndyqtaryna senimdimiz!
Birinshiden, Úkimetke 2019 jyldyń 1 qańtarynan bastap eń tómengi jalaqyny 1,5 ese, ıaǵnı 28 myńnan 42 myńǵa deıin ósirýdi tapsyramyn.
Bul barlyq sala boıynsha túrli menshik nysandaryndaǵy kásiporyndarda jumys isteıtin 1 mıllıon 300 myń adamnyń eńbekaqysyn tikeleı qamtıdy.(Joldaýdan)
