Qazirgi kezde áıelder kúres ókilderi arasyndaǵy tartystyń naǵyz qyzyp turǵan shaǵy. О́kinishke qaraı, ázirge Qazaqstan quramasynyń qorjynynda birde-bir medal joq. Marına Sedneva (55 kılo), Altynaı Satylǵan (59 kılo), Ekaterına Larıonova (68 kılo) jáne Jamılá Baqbergenova (72 kılo) syndy sportshylarymyz óz jankúıerlerin qýanta almady. Osy kúnge deıin boz kilemge shyqqan jerlesterimizdiń arasynda tek Elmıra Syzdyqovanyń ǵana jeńis tuǵyryna kóterilýge múmkindigi bar. 76 kılo salmaq dárejesinde kúsh synasyp, Rıo Olımpıadasy, Azııa oıyndary jáne qurlyq chempıonatynda júlde alǵan arýymyz búgin jubanysh saıysyna qatysady. Rýmynııanyń ókilinen aılasyn asyrǵan jaǵdaıda Elmıra qola medal úshin talasý quqyǵyna ıe bolady.
Sonymen qatar, búgin áıelder kúresinen qalǵan tórt salmaq dárejesi boıynsha básekeler bastalady. Bizdiń balýandar arasynan Valentına Islamova (50 kılo), Juldyz Eshimova (53 kılo), Emma Tısına (57 kılo), jáne Aıaýlym Qasymova (62 kılo) jarys kórigin qyzdyrady. Al odan keıin tórt kún boıy grek-rım kúresi sheberleriniń aıqasyn tamashalaımyz.
Ǵalym SÚLEIMEN,
«Egemen Qazaqstan»
