Mınıstrliktiń mindetterine azamattyq qoǵamnyń qatysýy negizinde memlekettik saıasatty tıimdi túrde qalyptastyrý, úılestirý jáne júzege asyrý mindeti tur.
Aýyl sharýashylyǵy mınıstrliginiń Birinshi vıse-mınıstri Arman Evnıev jáne «Qazaqstan Azamattyq Alıansynyń» zańdy tulǵalar birlestiginiń Prezıdenti Asylbek Qojahmetov Memorandýmǵa qol qoıdy.
Bul qadam jyl saıynǵy Elbasy Joldaýyndaǵy «Aýyl - el besigi» tapsyrmasynyń arnaıy jobasyn oryndaý aıasynda memlekettik organdar men azamattyq qoǵam kúsh-jigerin biriktirýge baǵyttalǵan. Negizgi maqsaty aýyldyq aımaqtardaǵy áleýmettik ortany jańǵyrtý jáne aýyldaǵy adam eńbeginiń joǵarǵy mártebesin qoǵammen moıyndatý bolyp tabylady.
Aýyldyq aımaqtardy tolyqqandy jáne tıimdi jumys istetý úshin turǵyn úı deńgeıi men sapasyn kóterý, aýyz - sýmen jáne medısınalyq qamtamasyz etý, bilim berý, áleýmettik-mádenı ınfraqurylym, joldar, kommýnıkasııa ( ınternet, baılanys) men basqa da jaǵdaılar mindetti sharty bolyp tabylady. Salalyq mınıstrlik ókilderi, jergilikti atqarýshy organdardyń jáne azamattyq qoǵam kóshbasshylary odan ári yntymaqtastyqtyń perspektıvalaryn talqylaý barysynda osy jáne basqa da mindetterdi ózderine maqsat retinde qoıdy.
24 qazan kúni aýyldyq úkimettik emes uıymdar arasynda áleýmettik jobalar konkýrsynyń qorytyndysy shyǵaryldy. Bul konkýrs «Qazaqstan Azamattyq Alıans» ZTQ uıymdastyrýymen QR Qoǵamdyq damý mınıstrliginiń qoldaýymen ótkizildi. Kóp daýys jınaǵan alty jobanyń árqaısysyna 100 000 teńge kishi granty tabystaldy.
«Astana AgroForum 2018» – bul jahandyq memlekettik joba, basty maqsaty AО́K salasyndaǵy eńbek ónimdiligin arttyrý jáne qaıta óńdelgen aýyl sharýashylyǵy óniminiń eksportyn aldaǵy 5 jylda 2,5 ese ulǵaıtý bolyp tabylady.
