Jumys sapary barysynda Premer-Mınıstr birqatar iri ınfraqurylymdyq nysandardy aralaıdy. Qytaımen shekaradaǵy «Nur joly» avtomobıl ótkizý pýnktiniń, «Qorǵas» ShYHO baqylaý-ótkizý pýnktiniń jumystaryn jáne shekara mańy ǵımarattarynyń qurylysy barysyn tekseredi. Oǵan qosa, Baqytjan Saǵyntaev kelesi jyly paıdalanýǵa beriletin shekara mańy yntymaqtastyǵy halyqaralyq ortalyǵynyń qyzmetimen jáne 100 myńǵa jýyq adamdy ornalastyrýǵa arnalǵan «Nurkent» jańa qalasyn damytýdyń bas josparymen tanysady.
Oblys ortalyǵynda áleýmettik-mádenı ınfraqurylymnyń jańa nysandaryn baryp kóredi. Máselen, tehnıkalyq mektep-lıseıdi aralaý kezinde óńirde usynylatyn bilim berý qyzmetteriniń sapasymen jáne ony odan ári jetildirý jumystarymen tanysady. Kásipkerlerge qyzmet kórsetý ortalyǵynda oblystyń áleýmettik-ekonomıkalyq damý barysy, «Prezıdenttiń Bes áleýmettik bastamasyn» iske asyrý, sonyń ishinde gazdandyrý máseleleri, sondaı-aq, TUK tarapynan ınvestısııalar tartýǵa qajetti jaǵdaılar jasaý, MJÁ qaǵıdasyn qoldanýdy keńeıtý jáne ishki ári syrtqy týrızmdi damytý máseleleri qaralady.
Almaty oblysynyń jalpy óńirlik ónimi (JО́О́) birinshi jarty jyldyqta 1,09 trln teńgeni qurady. Respýblıkalyq kólemdegi óńirdiń JО́О́ úlesi — 4,4%. JО́О́ qurylymyndaǵy ónerkásip úlesi— 24,9%, aýyl sharýashylyǵy úlesi — 8,9%, qurylys — 7,3%, saýda — 10,9%, kólik jáne qoımalaý — 16,5%, aqparat jáne baılanys — 0,7%, jyljymaıtyn múlik operasııalary — 5,5%, basqalary — 25%.
О́ńirge kelgen boıda B. Saǵyntaev bıyl kóktemde paıdalanýǵa berilgen Taldyqorǵan áýejaıynyń jańa termınalyn kórdi. Bul nysan ishki jáne halyqaralyq áýe qatynastaryna ushatyn jolaýshylarǵa, sondaı-aq, shyǵaryp salýshylar men kútip alýshylarǵa jyl boıy ushar aldyndaǵy jáne qonǵannan keıin keshendi qyzmetti kórsetýge arnalǵan.
Budan ózge, Almaty oblysynyń ákimi A. Batalov Úsharal qalasynyń áýejaıyn damytý jáne Alakól kóliniń jaǵalaýyn bekitý jobalarymen tanystyrdy.
О́tken jyly Almaty oblysynyń ákimdigi Úsharal qalasy áýejaıynyń aerovokzal ǵımaratyn salýdy aıaqtady. Osy jyldyń maýsym aıynan bastap Úsharal áýejaıynan aptasyna úsh ret «Astana — Úsharal» jáne «Taldyqorǵan — Úsharal», aptasyna bes ret «Almaty — Úsharal» baǵytynda áýe reısteri oryndalýda. Sonymen qatar, qazirgi tańda ushý-qoný jolaǵyn rekonstrýksııalaý jumystary júrgizilip jatyr, bul áýejaıdyń Boeing sanatynyń áýe kemelerine qyzmet kórsetýine jol ashady.
Bıyl bir mıllıonnan astam týrıst kelgen Alakól kóliniń jaǵalaýyn damytý maqsatynda keshendi ınfraqurylymdy jańǵyrtý jumystary jalǵasyp jatyr. 2019 jyly Alakól kóliniń jaǵalaýynda sýmen jabdyqtaý jáne sý tartý júıelerin – uzyndyǵy 72,9 shaqyrym bolatyn tazartý nysandary, sondaı-aq, 50 shaqyrymǵa arnalǵan sýmen jabdyqtaý júıesin salý kózdelgen. Budan ózge, jaǵalaýdy bekitý men keme aıaldaıtyn aılaqtardy salýdyń jańa tehnologııalaryn engizý josparda bar. Oblys ákiminiń aıtýynsha, qorshalǵan bóget Kóktuma men Aqshı aýyldarynyń turǵyndaryn — 2,5 myńnan astam adamdy Alakól kóliniń qatty tolqyndarynyń zalal keltirýinen qorǵaýǵa múmkindik beredi.
Aıta ketý kerek, oblys ákimdiginiń derekterine sáıkes, týrıstik ınfraqurylymdy damytý boıynsha qabyldanyp jatqan sharalar 2016 jyldan bastap (452 myń adam) Alakól aýdanynda qyzmet kórsetilgen týrıster sanyn eki eseden astam ulǵaıtýǵa múmkindik berdi. Jalpy, oblys boıynsha bir jylda keletin týrıster sany 1,96 mln quraıdy.
