Oblystyq «Jas Otan» Jastar qanaty qarasha aıynda jastar usynystaryn qabyldaý maqsatynda «Jas Otan Orda» resmı saıtyn iske qosyldy. О́ńirlik kommýnıkasııalar qyzmetiniń aqparattyq alańynda ótken brıfıngte «Jas Otan» Jastar qanaty qoǵamdyq birlestigi Qyzylorda oblystyq fılıalynyń tóraǵasy Talǵat Tiles: - Qazirgi tańda jastar arasyndaǵy jumyssyzdyq máselesi kóńil alańdatady. Elbasymyz óziniń Joldaýynda «Bıznestiń jol kartasy-2020» baǵdarlamasyn 2025 jylǵa deıin sozýdy júktegen bolatyn. Osy oraıda, aımaq basshysynyń bastamasymen oblystyq máslıhat, oblystyq «Nur Otan» partııasynyń, qoǵamdyq keńestiń sheshimimen Qyzylorda oblysynda 2018-2020 jyldar aralyǵyn jappaı kásipkerlikti damytý jyldary dep jarııalandy.
Bul qabyldanǵan sheshim óz kezeginde jastar arasyndaǵy kásipkerliktiń damýyna erekshe ımpýls bereri sózsiz.
Elbasymyzdyń ózi Syrdy Alashtyń anasyna balady. Kıeli mekende keler jyly oblys ákimi Qyrymbek Kósherbaevtyń kelisimimen respýblıkamyzdyń belsendi jastary Syr eliniń tunǵan tarıhymen, mádenıetimen, tabıǵatymen tanysý maqsatynda «Jas Otan» Jastar qanatynyń «Jastar-Otanǵa!» respýblıkalyq lagerin oblysymyzdaǵy Qambash kólinde ótkizýdi usynamyz!, - dedi.
Baqtııar TAIJAN,
«Egemen Qazaqstan»
