Alqaly jıynǵa ákimdik, «Atameken» UKP-nyń ókilderi, sýdıalar, sot júıesiniń ardagerleri, medıatorlar, kásipkerler qatysty.
Moderator, «Birlese damý» áleýmettik kásipkerlikti damytý qory» qoǵamdyq uıymynyń prezıdenti Nurgúl Qaraǵoıshına pılottyq jobanyń qurylymdyq ereksheligine basa toqtaldy. Ol óz sózinde otbasylyq, jekebastyq, qoǵamdyq daý-damaılardyń kóbeıip ketkenin, buryn mundaı janjaldar aqsaqaldardyń, bılerdiń aralasýymen, tórelik aıtýymen sheshilip kelse, qazir qıt etse sotqa júgiretin boldy. Tipti ekitaraptyń kelisimien sheshiletin usaq-túıek máseleler úshin jan-jaqqa aryzdanyp, ýaqyttarynbosqa joǵaltyp jatady. Túrli sebeptermen sot prosesi uzaqqa sozylyp ketetin jaıttar az kezdespeıdi.
Jylyna turǵyndardan orta eseppen 1 mıllıon 300 myńdaı aryz-shaǵym túsedi. Bárinen buryn jaqyn aǵaıyndar, týǵan-týysqandar arasynda ónbes daý-damaılardyń kóbeıip bara jatqany alańdatady. Sondyqtan jer-jerlerde «Rýhanı jańǵyrý» baǵdarlamasy baǵytynda atqarylyp jatqan san-salaly jumystardyń ishinde tatýlastyrý ınstıtýttaryn ornyqtyrý, olardyń qyzmetin jandandyrý, kúsheıtý asa mańyzdy, dedi ol.
Joǵarǵy Sot Tóraǵasynyń Keńesshisi Saǵatbek Súleımen óz baıandamasynda qoǵamdaǵy daý-damaı deńgeıinin órshýin atap kórsetip, kezdesýge qatysýshylardy pılottyq jobany júzege asyrýdyń ońtaıly joldarymen tanystyrdy.
«2013-2017 jyldardaǵy statıstıkalyq málimetter boıynsha sotqa kelip túsken aryzdar men isterdiń sany eki ese ósken.Elimizde adam basyna shaqqanda árbir tórtinshi azamat daýǵa tartylyp, sottasyp júr. Damyǵan elderde daýlardyń 80-90 prosenti bitimgershilikpen aıaqtalady. Halqymyz bolmashy nársege bola bet jyrtysyp, bir-birin endigári kórmesteı bolyp, onyń aqyry áýre-sarsańǵa túsip, shyǵynǵa ushyratyp jatady. Memleketimiz, sýdıalar úshin de qymbatqa túsedi», deı kelip, Tóraǵanyń keńesshisi respýblıkada qurylyp jatqan tatýlasý ortalyqtarynyń daýlardy sheshýdiń qolaıly alańy ekenine naqty mysaldar keltirdi. Medıasııa ınstıtýtyn keńinen nasıhattaýǵa shaqyrdy.
Oblystyq azamattyq ister jónindegi sot alqasynyń tóraǵasy Aıdar Smaǵulov óńirde jobanyń júzege asyrylý barysy týraly baıandaı kelip, sottarǵa medıasııa ádisi engizilgenin jetkizdi. Bıyl 9 aıda 9 530 azamattyq is qaralsa, onnan birine tatýlastyrý rásimderi qoldanylǵan. 62 514 556 teńge memlekettik baj salyǵy qaıtarylǵan.
Qazaqstannyń eńbek sińirgen qaıratkeri, zań ǵylymdarynyń doktory, professor Esbergen Alaýhanov tatýlastyrý rásimderin júzege asyrý formalaryn jan-jaqty baıandady. Belgili akademık Salyq Zımanovtyń bıler ınstıtýtyn jańǵyrtý jónindegi ıdeıalarynyń mańyzyna toqtaldy.
О́mir ESQALI,
«Egemen Qazaqstan»
Soltústik Qazaqstan oblysy
