Sońǵy kezderi áıelder arasyndaǵy saıysta aıshyqty ónerimen kózge túsip, birqatar dúbirli dodadalarda jeńis tuǵyryna kóterilgen Syr boıynyń sulýy bul joly da júlde alýdy kózdeýde. Al maıtlaman mamandardyń paıymdaýynsha, Úıeńki japyraqtar elindegi jarystyń basty favorıtteri – reseılik Evgenııa Medvedeva men japonııalyq Vakaba Hıgýtı. Árıne, kópshiliktiń bul ýájimen kelispeý qıyn. О́ıtkeni, joǵaryda atalǵan sportshylardyń ekeýi de óte myqty. Máselen, 18 jastaǵy Reseıdiń ókili 2018 jyly ótken Olımpıa oıyndarynda qos kúmis medaldi oljalap, 2016 jáne 2017 jyldary álem chempıony atandy. Odan bólek, Evgenııa Eýropa birinshiliginde eki ret top jardy. 17 jasar japonııalyq arýdyń da qarqyny kúshti. Ol – bıylǵy jylǵy álem chempıonatynyń kúmis júldegeri.
Desek te Elızabet Tursynbaevany da osal dep aıtýǵa eshkimniń aýzy barmaıdy. 18 jastaǵy jerlesimiz Dúnıejúzilik jasóspirimder Olımpıadasy men Azııa oıyndarynyń qola júldegeri. Kanadada jalaýy jelbireıtin jarysta qazaqtyń arý qyzy Evgenııa Medvedeva men Vakaba Hıgýtı syndy dańqty sportshylarǵa laıyqty qarsylyq kórsetedi degen oıdamyz.
Ǵalym SÚLEIMEN,
«Egemen Qazaqstan»
