– Qysqy kezeńde meniń blog - platformama kelip túsetin ótinishterdiń 80 paıyzy jylýdyń durys berilmeýi, ystyq sýdyń joq bolýyna jáne kóshelerdiń qardan tazalanbaýyna baılanysty, - dedi oblys ákimi Bolat Baqaýov.
Tipti, oblys ortalyǵynda bıylǵy jylý maýsymyna daıyn emes turǵyn úıler de bolypty. Qalada peshpen jabdyqtalǵan 2300-den astam jer úı de bar.
Byltyr oblys ortalyǵyndaǵy Tolstoı kóshesi, 82 úıdiń turǵyndary páterlerindegi temperatýra 14-16 gradýs deńgeıinde ǵana turǵanyn, jylytqyshtarmen jylynyp otyrǵandaryn, Kýtýzov kóshesi, 291 úı, úshinshi kire beristiń turǵyndary aıazdyń kesirinen lıfttiń toqtap qalý qaýpi bar ekenin, Kataev kóshesindegi 12 úıdiń páterlerindegi temperatýra 18 gradýsqa áreń jetip turǵanyn oblys ákiminiń saıtyna jazǵan-dy.
Sonymen birge, oblys ákimi bıylǵy jylytý maýsymy bastalǵannan beri ákimdiktiń resmı blog - platformasyna 29 shaǵym kelip túskenin aıtty.
Qazir jer qara, kún jyly da, jylýǵa osylaı shaǵymdar túsip jatsa, erteńgi kúngi aıazdarda turǵyndardyń amaly qaısy?
– Turǵyndar amalsyzdan meniń qabyldaý bólmeme qońyraý shalady. Qalalyq kommýnaldyq sharýashylyq bóliminiń Jedel jelisi qońyraý qabyldamaıdy dep shaǵymdanýda,– dedi Bolat Baqaýov.
Biz jedel jelini shuǵyl qala turǵyndarynyń turǵyn úı kommýnaldyq sharýshylyq máselelerin sheshý úshin qurǵan joqpyz ba?!
Farıda BYQAI,
«Egemen Qazaqstan»
Pavlodar
Sýretti túsirgen: Valerıı Býgaev
