«Qorǵas» shekara mańy yntymaqtastyǵy halyqaralyq ortalyǵynyń jáne «Qorǵas – Shyǵys qaqpasy» erkin ekonomıkalyq aımaǵyn qurý jobalary memleketaralyq mańyzdaǵy nysandar jáne olar eleýli eńbek resýrstaryn tartýdy qajet etedi, al bul — 36 myńnan 68 myńǵa deıin jańa jumys oryndary. Azamattardyń qolaıly ómir súrýin qamtamasyz etý maqsatynda 2013 jyldan bastap Nurkent jańa qalasynyń qurylysy júrgizilip jatyr.
Qalanyń jalpy aýdany — 1460 ga. Premer-Mınıstr B. Saǵyntaevqa 2035 jylǵa qaraı qala halqynyń sany shamamen 99 myń adamdy quraıtyny aıtyldy. Sonymen qatar, 2022 jylǵa qaraı 1 mln m² astam turǵyn úı (I kezek) paıdalanýǵa beriledi — bul shamamen 5 aýdan nemese 50 myń adam. Nurkentte birinshi kezek aıasynda 24 áleýmettik nysan, onyń ishinde 8 mektep, 12 balabaqsha, bir emhana jáne 3 medısınalyq ortalyq salý kózdelgen.
Almaty oblysy ákimdiginiń qurylys basqarmasynyń basshysy B. Tákenov eki 86 páterlik úı boıynsha jobalyq-smetalyq qujattama 2019 jylǵy naýryzǵa qaraı ázir bolatynyn atap ótti. Úshinshi úıdiń jospary jeke ınvestor qarajaty esebinen júrgizilip jatyr. II kezek aıasynda 4 myńǵa jýyq adam baspanaly bolady. Turǵyn úı qorynyń jalpy aýdany — 70 myń m².
Budan ózge, «Nurly jer» baǵdarlamasyn iske asyrý aıasynda Panfılov aýdanynyń ákimdigi aýdany 16 815 m² bolatyn tórt 60 páterli arendalyq úıdi jobalaý jumystaryn júrgizip jatyr.
Eske sala keteıik, Penjına aýyldyq okrýginiń aýmaǵynda ornalasqan Nurkent aýyly jańa qalany salýdyń bastaýy boldy. Qazirgi tańda munda úsh myńnan astam adam ómir súrýde. «Nurly jer» baǵdarlamasy aıasynda ótken jyly 120 otbasy baspanaly boldy. Sonymen qatar, áleýmettik ınfraqurylym nysandary: mektep, aýrýhana, balabaqsha bar.
Almaty oblysynda ótken jyly 5079 turǵyn úı (646,1 myń m²) salyndy, sonyń ishinde 3247-si — jeke turǵyn úıler. Bıyl 706,6 myń m², sonyń ishinde «Nurly jer» baǵdarlamasy aıasynda 592 páterdi paıdalanýǵa berý josparda bar.
Jalpy, Investısııalar jáne damý mınıstrliginiń aqparatyna sáıkes, elimizde aldaǵy bes jylda «Nurly jer» memlekettik baǵdarlamasy boıynsha 650 myńnan astam turǵyn úı (76,6 mln m²) salý kózdelgen, bul 2 mln-ǵa jýyq azamatty baspanamen qamtamasyz etedi. Azamattardy turǵyn úımen qamtamasyz etýdiń mańyzdy quraly — Memleket basshysynyń «7–20–25» bastamasy, onyń aıasynda bes jyl ishinde 103 myńǵa jýyq azamat baspanaly bola alady. Atalǵan baǵdarlama boıynsha (11.10.2018 jylǵy jaǵdaı boıynsha) 28 mlrd teńgege 2352 ótinim maquldandy, sonyń ishinde Almaty oblysynyń halqynan — 55 ıpotekalyq qaryz.
