Halyqaralyq qoǵamdastyq osyndaı bedeldi álemdik forýmdy uıymdastyrýǵa, densaýlyq saqtaý júıesine qoldaý kórsetýge jeke nazar aýdarǵany úshin Prezıdent Nursultan Nazarbaevqa rızashylyǵyn bildirip, bundaı is-sharany QR Úkimeti men Densaýlyq saqtaý mınıstrligi tarapynan jaqsy uıymdastyrylýyn atap ótýde.
Kezdesý barysynda taraptar 25 qazanda biraýyzdan forým qatysýshylarymen qabyldanǵan Astana deklarasııasynyń mańyzdylyǵyn atap ótti. Qujatta sapaly jáne ýaqytyly medısınalyq kómek kórsetýdi qamtamasyz etetin zamanaýı jetistikter men tehnologııalardyń qoldanýyn eskere otyryp, 1978 jylǵy Alma-Ata deklarasııasynyń mindettemelerin oryndaýda aınymastyǵyn kórsetedi. 40 jyl buryn Almatyda maquldanǵan bul qujat, densaýlyq saqtaý júıesiniń alǵashqy medısınalyq-sanıtarlyq kómekke nazar aýdara otyryp, álemdegi densaýlyq saqtaý júıesin túpkilikti damytýǵa negiz qalaǵan.
T. Gebreıesýs Qazaqstannyń jahandyq deńgeıde alǵashqy medısınalyq-sanıtarlyq kómekti damytýǵa qosqan úlesin atap ótti. Kezdesý barysynda taraptar 2019 jyldyń mamyrynda Jenevada ótetin Dúnıejúzilik densaýlyq saqtaý assambleıasynyń DDSU-nyń Astana deklarasııasy negizinde qabyldanatyn sheshimniń perspektıvasyn qabyldaý múmkindigin talqylady. Sonymen qatar, 2019 jyldyń qyrkúıeginde Nıý-Iorkte Dúnıejúzilik densaýlyq saqtaýdy qamtý jónindegi BUU Bas Assambleıasynyń Joǵary deńgeıdegi kezdesý rezolıýsııasynyń usynylýy josparlanýda.
