Aımaqtar • 27 Qazan, 2018

Tarazda Jambyl Jabaev eskertkishi ashyldy

2561 ret

kórsetildi

1 mın

oqý úshin

Búgin Taraz qalasynda «Qala kúni» merekesine oraı Jambyl oblysy ákimdiginiń aldynda Jambyl Jabaev eskertkishiniń ashylý saltanaty ótti. Elbasynyń «Rýhanı jańǵyrý» baǵdarlamasy aıasynda uıymdastyrylǵan sharaǵa oblys ákimi Asqar Myrzahmetov bastaǵan oblys jáne qala basshylyǵy, sonymen qatar qoǵamdyq keńes músheleri men qala turǵyndary qatysty.

Egemen Qazaqstan

Tarazda Jambyl Jabaev eskertkishi ashyldy

Dańqty jyraý eskertkishiniń ashylý saltanatynda Jambyl oblystyq Qoǵamdyq Keńesiniń tóraǵasy Jandar Káribaıuly men Qazaqstan Respýblıkasynyń mádenıet qaıratkeri Álibek Ámzeuly sóz sóılep, kún saıyn túrlenip kele jatqan Áýlıeata óńiriniń jetistikterine toqtaldy. Jambyl murasynyń qazaq halqymen máńgi birge jasaı beretinin atap ótti.

Sonymen qatar, Jambyl Jabaev eskertkishiniń ashylý saltanatyna qala turǵyndary men qonaqtary da kóptep jınalyp, qala kúni aıasynda ótken sharany tamashalady. Budan bylaı Abaı dańǵylynyń boıynda uly aqyn Jambyldyń rýhy asqaqtap, bolmysy bıiktep tura bermek. Al atalǵan eskertkishtiń bıiktigi 4 metr bolsa, salmaǵy 1,5 tonna.