TKSh-ny sıfrlandyrýdyń biryńǵaı tásilderin tańdap, aıryqsha ońtaıly sheshimderdi tabý maqsatynda memlekettik organdar, jergilikti atqarýshy organdar men qazaqstandyq AT-kompanııalar bas qosty.
О́ziniń alǵy sózinde QR Premer-Mınıstriniń orynbasary Asqar Jumaǵalıev turǵyn úı-kommýnaldyq sharýashylyǵyna sıfrlyq tehnologııalardy engizýdiń mańyzdylyǵyn atap ótti, bul, eń aldymen, salanyń áleýmettik mańyzdylyǵy men birqatar ekonomıkalyq faktorlarǵa negizdelgen.
«Memleket basshysy halyqqa Joldaýynda azamattardyń ómir súrý sapasyn kóterý jáne turǵyn úı-kommýnaldyq sharýashylyqtaǵy aǵymdaǵy bıznes-úderisterdiń aıqyndylyǵyn qamtamasyz etý mindetin qoıdy. Buǵan sıfrlyq quraldardy paıdalaný arqyly qol jetkizýge bolady. Máselen, tek "aqyldy" eseptegishterdi ornatý arqyly ǵana eki bólmeli páterde jylý tólemi 36%-ǵa deıin tómendeıdi. Turǵyndar úshin bul aıtarlyqtaı únem», — dedi Vıse-Premer.
Sondaı-aq, ol otandyq ázirleýshilerdi jáne eseptegish qurylǵylaryn óndirýshilerdi qoldaý qajettigin aıtty.
Investısııalar jáne damý mınıstri Jeńis Qasymbek, bul — QR IDM ótkizip jatqan salalyq Sıfrlandyrý kúniniń birinshi kúni, jáne TKSh tárizdi mańyzdy salaǵa der kezinde arnalyp jatqanyn atap ótti. Mınıstr sıfrlyq quraldar arqyly birinshi kezekte sheshilýi qajet birneshe negizgi mindetterdi belgiledi, bular — turǵyn úı-kommýnaldyq qyzmetterdiń sapasyn jaqsartý, turǵyn úı qaýipsizdigin qamtamasyz etý, tarıfterdiń quralýy men shyǵyndardyń aıqyndylyǵyn qamtamasyz etý, sondaı-aq kommýnaldyq ınfraqurylymnyń jaǵdaıyn jaqsartý jáne tutynýshylarǵa qyzmet kórsetý sapasyn jaqsartý.
«Áli de kóptegen mindetterdi atap shyqsa bolady, alaıda TKSh salasynyń sıfrlyq transformasııasy barlyq múddeli taraptardyń qatysýymen ǵana múmkin bolatyndyǵyn este saqtap, barlyq túıitkildi máselelerdi tezdetip joıý qajettigin eskere otyryp, josparly jáne sapaly túrde júrgizý kerek. Sıfrlandyrý jańa deńgeıge kóshýge, turǵyn úı-kommýnaldyq sharýashylyq salasyna degen kózqarasty ózgertýge jáne ony ekonomıkanyń zamanaýı jáne qarqyndy damyp kele jatqan salasy retinde qabyldaýǵa múmkindik beredi», — dedi Jeńis Qasymbek.
Sharada E-Shanyraq turǵyn úı qory men turǵyn úı-kommýnaldyq sharýashylyqtyń biryńǵaı aqparattyq júıesi usynyldy. «TKSh QazOrtalyǵy» AQ basqarma tóraǵasy Nursultan Jıenbaevtyń aıtýynsha, júıeniń negizgi maqsaty — halyq múddeleri men alǵa qoıylǵan memlekettik tapsyrmalardyń teńgerimine qol jetkizý.
«E-Shanyraq júıesi TKSh salasynda biryńǵaı aqparattyq keńistikti qalyptastyrýǵa jáne barlyq salalyq derekterdi respýblıkalyq deńgeıde júıeleýge múmkindik beredi. Memleket júıe arqyly saladaǵy ózgeristerdi únemi baqylap ári taldap, paıda bolǵan máselelerdi dereý sheshedi. Júıe barlyq turǵyn úılerdiń tehnıkalyq pasporttaryn sıfrlaýdy, olardyń tehnıkalyq jaǵdaıyn baqylaýdy kózdeıdi. Jóndeýge jatatyn úılerdiń kezegi kórsetiledi, KPTÚ basqarý organdarynyń "aýdıti" básekelestik ortany quryp, turǵyn úı-kommýnaldyq sharýashylyǵynyń qyzmet kórsetý naryǵyn damytýdy yntalandyratyn kompanııa reıtıngin berý arqyly júzege asyrylady», — dedi Nursultan Jıenbaev.
Jıynǵa shet memleketterden de qonaqtar shaqyryldy. Qazan qalasy meriniń orynbasary Iskander Gınııatýllın Tatarstannyń TKSh-ny sıfrlandyrýdaǵy tabysty tájirıbesi týraly, reseılik «Galaktıka» korporasııasynyń vıse-prezıdenti jáne basqarma múshesi Sergeı Petrov Reseıdegi resýrstyq jabdyqtaý qyzmetin avtomattandyrýdyń ekonomıkalyq áseri týraly, sondaı-aq DIEHL transulttyq kompanııasynyń TMD elderi boıynsha bloginiń basshysy Beate Bahtrod «aqyldy» esepteýishter jáne olardyń sıfrlyq álemdegi róli týraly prezentasııasyn usyndy.
AT-ázirleýshiler úshin QR turǵyn úı-kommýnaldyq sharýashylyǵyn sıfrlandyrý boıynsha ózderiniń ázirlemelerin usyndy. Sondaı-aq, kompanııalar ózderiniń tehnologııalaryn atalǵan sharamen qatar júrip jatqan qazaqstandyq AT-sheshimder kórmesinde tanystyrdy.
