Búgin Qyzylordada egin jınaý naýqanynyń aıaqtalýyna oraı merekelik is-sharalar ótýde. Saltanatty sharada oblys ákimi aýylsharýashylyǵy salasynyń qyzmetkerlerin egin jınaý naýqanynyń sátti aıaqtalýymen quttyqtap, sala boıynsha úzdik qyzmetkerler men ardagerlerdi marapattady.
«Altyn dán» - bul eńbek merekesi bolǵandyqtan, sosıalıstik eńbek eri, 11 bala tárbıelep ósirgen Batyr ana, Ybyraı Jaqaevtyń shákirti-Sálıma Jumabekovany marapattaý rásiminen bastaý kerek dep sanaımyn. Syr elin «Alashtyń anasy» dep ataıdy, al Sálıma Jumabekqyzyn «Syr anasy» dep ataýǵa bolady», - deı kele aımaq basshysy Sálıma Jumabekovaǵa jańa úıdiń kiltin tabystady.
О́z kezeginde, osy ýaqytqa deıin kópqabatty úıde turyp kelgen Sálıma apa oblys basshylyǵyna qamqorlyǵy men jańa keń baspanasy úshin alǵysyn bildirdi.
Sálıma Jumabekova 1935 jyly 25 tamyzda Qyzylorda oblysy, Qarmaqshy aýdany, Lenın aýylynda (1997 jyldan bastap – Turmaǵambet aýyly) dúnıege kelgen. KSRO Joǵarǵy Keńesiniń depýtaty bolǵan, sondaı-aq, ózi týǵan aýylda aýyldyq keńesti basqarǵan.
2008 jyly oblysqa jasaǵan sapary barysynda Memleket basshysy Nursultan Nazarbaev Syr eliniń aýylsharýashylyǵyn damytýǵa qosqan zor úlesi úshin birqatar ardager-áıelderge jańa páterdiń kiltin tabystaǵan bolatyn. Olardyń qatarynda Sálıma Jumabekova da boldy.
