Sońǵy málimetke qaraǵanda, týrızmniń úlesi Polshanyń jalpy ishki óniminiń 6 prosentin quraıdy. Bul sektorda 700 myńǵa jýyq adam eńbek etedi. Qazaqstan úshin de týrızmdi damytý – basty baǵyttardyń biri. Bul týraly el Prezıdenti óziniń halyqqa Joldaýynda atap ótti. Polıak týroperatorlary elimizdiń shıpajaıly oryndarynyń áleýeti joǵary ekenin aıtyp, yntymaqtastyqty damytýǵa nıet bildiripr otyr. Olardyń deregine súıensek, qazaq jerine saıahattaıtyn eýropalyqtardyń úshten bir bóligi – polıaktar.
Pavel Nıvıadomskı, Polıak týrıstik palatasynyń prezıdenti:
– Týrızmdi damytý úshin bizde arnaıy baǵdarlamalar daıyndalyp, júzege asyryldy. Qazir álemniń kóptegen elderinde Polshanyń týrıstik keńseleri jumys isteıdi. Biz tutynýshylarǵa alýan túrli týrıstik ónimder usynyp kelemiz. Al Qazaqstanǵa keletin bolsaq, Varshava-Astana tikeleı áýe reısi ashylǵannan beri sizdiń elge barýshy polıak saıahatshylary 30 prosentke artty.
