Qysqa baǵdarlama boıynsha altynshy oryndy qanaǵat tutqan qazaq qyzy jattyǵýdyń ekinshi túrinde de oıdaǵydaı óner kórsete alǵan joq. Erkin baǵdarlamada kúrdeli jattyǵýdy oryndaý barysynda Elızabet abaısyzda qulap qaldy. Odan keıin ol jaǵdaıyn durystaý úshin baryn salǵanymen, nebary bir satyǵa ǵana joǵarlady. Nátıjesinde – besinshi oryn.
Úıeńki japyraqtar elindegi jarys álem jáne Eýropa chempıony, reseılik Elızaveta Týktamyshevanyń jeńisimen aıaqtaldy. Kúmis medaldi jastar býynynyń jarqyn ókili, 15 jasar japonııalyq qyz Mako Iаmashıta ıelendi. Reseıdiń taǵy bir ataqty sportshysy Olımpııa oıyndarynyń eki dúrkin kúmis júldegeri, álem men Eýropanyń eki dúrkin chempıony Evgenııa Medvedeva qola júldeni enshiledi.
Ǵalym SÚLEIMEN,
«Egemen Qazaqstan»
