Bul maqsat elimizdiń «Energııa únemdeý jáne energııa tıimdiligin arttyrý týraly» Zańyna sáıkes jergilikti atqarýshy organdarda buryn qoldanysta bolǵan quramynda synaby bar energııany únemdeıtin shamdardy joıý jumystary boıynsha júrgizilýde.
- 2014 jyldan bastap bul shara boıynsha jyl saıyn 20 myńǵa jýyq shamdar joıyldy. Eskirgen shamdy kez kelgen jerge tastaýǵa bolmaıdy. Eger synap syrtqa tógilse, qorshaǵan ortaǵa jáne adamdardyń densaýlyǵyna zııan keltiredi,-deıdi mamandar.
Bıyl quramynda synaby bar shamdardy, quraldardy joıýǵa jergilikti bıýdjetten 2,9 mıllıon teńge bólinipti. Arnaıy shartqa sáıkes quramynda synaby bar shamdardy jınaý jáne shamdardy joıý jumysyn «ElektroTrans Reelto» JShS mamandandyrylǵan kompanııasy júrgizýde.
Kásiporyn vakýýmdaý arqyly synapty jeke bólip alyp, shyny qaldyqtaryn jeke shyǵarady. Jınalǵan synapty memleketke tapsyrady. Bıyl 400 myńnan astam sham joıylsa, budan 3 keli synap, 20 tonna shyny shyqqan. Bir keli synap alý úshin 1,5 jyl jumys jasaý kerek eken.
Farıda BYQAI,
«Egemen Qazaqstan»
PAVLODAR
