Onyń negizgi maqsaty - fermerlik sharýashylyqtar men halyqtyń josparly veterınarııalyq is-sharalardy oryndaýy boıynsha tolyq aqparat alý.
Sonymen qatar, «jobalyq basqarý» aıasynda aımaqta elektrondy saýda alańyn – Agrobırjany qurý jobasy júzege asyrylýda. Bul týraly oblys ákimi Qyrymbek Kósherbaev:
- Shıkizatty qaıta óńdeýdi qamtamasyz etý jáne syrtqy naryqqa sapasy jaǵynan ǵana emes, baǵasy jaǵynan da básekege qabiletti joǵary sapaly daıyn ónimmen shyǵý mindetin qoıyp otyrmyz. Memleket basshysy atap ótkendeı, bul tusta aqyldy tehnologııalardy engizý arqyly jaqsy nátıjege qol jetkize alamyz. Birinshi kezeńde biz maldardy baqylaýǵa arnalǵan navıgatorlardy iske qostyq, «elektrondy veterınarııa» jobasy men avtomattandyrylǵan jylyjaı qurylysyn júzege asyra bastady, -dedi.
Bul rette kúrish sharýashylyǵy óńirdiń agroónerkásiptik kesheninde jetekshi sala bolyp qala beredi.
Búginde Qyzylordalyq sharýalar Monǵolııa, Túrkııa, Aýǵanstan naryqtaryn ıgerip jatyr. Dástúrli ónimderinen bólek Iranǵa eksporttaý úshin Iran sorttaryn da shyǵarý qolǵa alynǵan.
Baqtııar TAIJAN,
«Egemen Qazaqstan»
Qyzylorda oblysy
