Osydan eki jyl buryn Brazılııanyń Rıo de Janeıro qalasynda ótken Olımpııa oıyndarynyń aýyr atletter saıysynda 85 kılo salmaq dárejesinde óner kórsetken Denıs Ýlanov bul jarysty tórtinshi orynmen qorytyndylaǵan bolatyn. Qossaıysta ol 390 (175+215) kılo salmaqty eńserdi. Úshinshi orynǵa taban tiregen rýmynııalyq Gabrıel Sınkraıannyń da nátıjesi dál sondaı edi. Desek te qarsylasyna qaraǵanda óziniń jeke salmaǵynyń azdyǵynyń arqasynda qola medaldi Eýropanyń ókiline tabys etildi.
Rıo Olımpıadasy aıaqtalǵannan keıin birqatar ziltemirshilerdiń dopıng qoldanǵany anyqtaldy. Solardyń qatarynda Gabrıel Sınkraıan da bar. Istiń aq-qarasy anyqtalǵannan keıin rýmynııalyq ziltemirshi Olımpıadanyń qola júldesinen aıyrylyp, úlken sporttan birneshe jylǵa shettetildi. Osylaısha, Rıodaǵy dodanyń qola medali Denıs Ýlanovqa tabys etildi.
Ashhabadtaǵy álem chempıonaty kezinde jerlesimizge Olımpıada júldesi resmı túrde tabys etilgen kezde ol: Bul sátti men eki jyl boıy sarǵaıa kúttim. Árıne, Olımpııa oıyndary barysynda ózge myqtylarmen birge jeńis tuǵyrynda marqaıyp turǵannyń jóni múlde bólek qoı. Ondaı baq maǵan buıyrmady. Desek te «eshteń kesh jaqsy» degen sóz beker aıtylmaǵan ǵoı. Resmı túrde osy júldeniń maǵan tabys etilgenine rızamyn. Tipten, ánuranymyz da shyrqaldy. Osynyń bárin jan-tánimmen sezinip, qazir qatty qýanyp turmyn», – deıdi Denıs.
Ǵalym SÚLEIMEN,
«Egemen Qazaqstan»
