IBU kýbogi álem kýbogi kezeńderine qatysý kvotasyn kóbeıtýge múmkindik beredi. IBU kýboginde jınaǵan upaı sany sportshylarǵa álem kýbogi kezinde qajet bolady.
Qazaqstan komandasy 11-27 qarasha aralyǵynda Idre qalasynda oqý-jattyǵý jıyndaryn ótkizýdi josparlap otyr. Jattyǵý jıyny úshin atalǵan eldiń tańdap alynýy da beker emes. Basshylyq sportshylardyń jergilikti klımatqa beıimdelip, aldaǵy jarysqa tyńǵylyqty daıyndalýyna jaǵdaı jasaýda.
Shvesııaǵa attanatyn Qazaqstan quramasy múshelerin nazarlaryńyzǵa usynady.
Áıelder quramasy: Galına Vıshnevskaıa, Darıa Klımına, Anastasııa Kondrateva, Elızaveta Belchenko, Lıýdmıla Ahatova.
Erler quramasy: Vladıslav Vıtenko, Roman Eremın, Anton Pantov, Maksım Braýn, Tımý Kýs ı Petr Ermolenko.
Idrede ótetin IBU kýboginiń birinshi kezeńi 29 qarasha men 2 jeltoqsan aralyǵyna josparlanǵan.
IBU kýboginiń alǵashqy kezeńinen soń dereý álem kýbogi kezeńi de bastalady. Birinshi kezeń Slovenııanyń Poklıýka qalasynda, 2 jeltoqsan kúni ótedi. Atalǵan jarysqa qatysatyn komanda quramy keıinirek belgili bolmaq.
Eske sala keteıik, bıylǵy maýsymda IBU kýboginiń 8 kezeńi, álem kýboginiń 9 kezeńi jáne álem chempıonaty ótkiziledi.
