Shaharda elektrondy qaldyqtarǵa arnalǵan ekobokstar aǵymdaǵy jyldyń qyrkúıek aıynan beri qoıyla bastaǵan. Ekobokstarǵa jaramsyz uıaly telefondarmen zarıadtaý qurylǵylarynan bólek, eski magnıtafon, teledıdar, elektrlik oıynshyqtar men isten shyqqan útik, planshet tárizdi zattardy tastaýǵa bolady.
«Konteınerler tolǵan soń onyń ishindegi qoqystyń salmaǵy ólshenip, ary qaraı óńdeý bazasyna jóneltiledi. Aldymen elektrondy qaldyqtyń plastmassasy men metaly qolmen ajyratylady. Artynan bul zattar bólek jınalyp maıdalanady. Ári qaraı qaldyqtar qaıta óńdeýge ketedi. Keıbireýler mundaı qaldyqtar báribir qoqys polıgonyna ketedi, óńdeýdiń ne qajeti bar dep jatady. Alaıda, sol zııandy zattardyń bári jerge sińip ketetinin eskerýimiz kerek. Topyraq arqyly sýǵa da taralady. Tıtteı batareıanyń bir danasyn qate paıdalanǵan jaǵdaıda, 20 tekshe metr topyraq nemese 400 lıtr aýyz sý ýlanady» deıdi ekolog mamandar.
Búgingi tańda megapolıste elektrondy qaldyqtarǵa arnalǵan otyzdan astam konteıner bar. Onyń 29-y qala mektepterine qoıylǵan. Jaýapty mamandardyń sózinshe, qys aılaryna deıin taǵy 50 mektepke osyndaı ekobokstar ornatylatyn bolady.
Arman OKTIаBR,
«Egemen Qazaqstan»
ALMATY
