Dopty hokkeı dodasy

Erteń Almatyda dopty hokkeıden álem chempıonaty bastalady

Sońǵy kezderi Almaty da basqa elderdiń áıgili qalalary sııaqty úlken halyqaralyq jarystardyń ortaly­ǵyna aınalyp otyr­ǵan­daı. Byltyr Qysqy Azııa oıyndarynyń basym bó­ligi ótken arý Almatyda taǵy birneshe baı­­raqty dodalar uıymdastyryl­ǵa­nyn bile­miz. Solardyń biri – jaqynda ǵana Balýan Sholaq atyndaǵy sport jáne má­denıet saraıynda dzıý­do kúresinen ótken «Álem she­­­ber­leri» atty ǵalamat beldesýler.

Sońǵy kezderi Almaty da basqa elderdiń áıgili qalalary sııaqty úlken halyqaralyq jarystardyń ortaly­ǵyna aınalyp otyr­ǵan­daı. Byltyr Qysqy Azııa oıyndarynyń basym bó­ligi ótken arý Almatyda taǵy birneshe baı­­raqty dodalar uıymdastyryl­ǵa­nyn bile­miz. Solardyń biri – jaqynda ǵana Balýan Sholaq atyndaǵy sport jáne má­denıet saraıynda dzıý­do kúresinen ótken «Álem she­­­ber­leri» atty ǵalamat beldesýler. Almatyǵa bir mezgilde 9 olım­pıada, 19 álem chempıony, ta­ǵy birneshe Olımpıada jáne álem chempıo­nat­ta­ry­nyń júl­­­­­de­­­­ger­le­ri qatysqan beldesýlerde bizdiń qyz-ji­­­git­terimizden Maksım Rakov altyn, al Gúl­­jan Isanova qola júldeni jeńip alǵan bolatyn.
Endi, mine, Almatyda taǵy bir úlken do­danyń jalaýy jelbiregeli tur. Bul – rekordtar us­ta­hanasy atanǵan, Ile Alataýy­nyń qoı­­­­­­naýynda or­yn tepken búkil qazaq­stan­dyq­­­tar­dyń maqtany­shy, ataqty «Medeý» muz aıdynynda ótetin dopty hokkeıden álem chempıonaty. Qazaq topy­ra­ǵynda alǵash ret ótkizil­geli otyrǵan chempıo­nat­tyń ashylý sal­tanaty 29 qańtarda ótip, oıyndar 5 aq­panǵa deıin jalǵasatyn bolady.
Osy baıraqty básekelerge álemniń 14 eli­­niń ulttyq quramalary qatysatyny naqt­y­­­lanǵan. Olardyń arasynda Qazaqstan, Fınlıandııa, Shvesııa, Norvegııa, AQSh, Reseı sı­ıaqty elderdiń komandalary bar. Bul elder­diń bári joǵary dıvızıonda álem chempıony ataǵyn sa­rapqa salsa, «V» tobyn­da­ǵy Belarýs, Kanada, Gollandııa, Vengrııa, Latvııa komandalary jo­­ǵary dıvızıonǵa joldama alý úshin kúsh synasady. Al «S» tobyndaǵy Estonııa, Ýkraına, Ja­ponııa men Lıtva ózara úzdikterdi anyqtaıdy.
Osy úsh topqa bólingen elderdiń oıyndary my­na jerlerde ót­kiziledi. Iаǵnı, «A» to­­­byndaǵy quramalar «Medeý» muz aıdynyn­da baq synassa, qalǵan eki toptyń komandalary oıyndaryn Orta­lyq stadıon­nyń ja­nyn­­­daǵy qosalqy alańda ótkizedi.
Jalpy, Almatyda dopty hokkeıden álem chempıonatyn ótkizý tý­­­­­raly sheshim byl­tyr­ǵy Qysqy Azııa oıyndary kezinde qa­byl­danǵan bo­latyn. Jaqynda Ha­­­lyq­­­ara­lyq dopty hokkeı qaý­ymdas­tyǵynyń pre­­­­­zı­­den­ti Borıs Skryn­nık Almatyǵa kelip, «Medeý­diń» álem chempıo­natyn esh qıyn­dyqsyz, jo­ǵa­ry deń­geı­de ótkizetinine taǵy bir kóz jet­kizip ketti. Sol kezde Almatyǵa dopty hok­keı­diń myq­­tylary sanalatyn Reseı men Shve­sııa quramalary da kelip, muz aıdy­ny­nyń sapasyn baıqap kórdi. Sóıtip, halyq­ara­lyq qaýym­dastyqtyń jaýapty laýazym ıeleri «Medeýde» álem chempıonatyn ótkizýge ruqsatyn berdi.
Aldaǵy jeksenbide Almatyda bastalatyn chem­pıonattyń ózine toqtalsaq, bul sany ja­ǵy­nan eń kóp elder qatysatyn álem chempıonaty bolǵaly otyr. Munyń aldynda, 2009 jyly Shvesııada ótken dodaǵa 13 eldiń ókil­deri qa­tysqan bolatyn. Al Qazaqstanda óte­tin chem­pıo­natqa 14 eldiń quramasy qatyspaq.
Álem chempıonaty jarys erejesine sáı­kes 3 topqa bólingen komandalardyń ara­­syn­da olar­dyń sheberlik deńgeıine qaraı ótki­ziledi. Iаǵnı, «A» tobynda eń myqtylar, «V» tobynda ortań­qol komandalar, al «S» tobynda dop­ty hokkeıdi damytýdy endi ǵana qolǵa alǵan elderdiń qu­ra­malary kúsh synasady. Munda birden aıtý kerek, teledıdardan tek «A» to­byndaǵy komanda­lar­dyń oıyndarynan ǵana reportajdar beri­lip tura­dy. Bizdiń jankúıer­ler jarys bas­talǵan kún­nen sońyna deıin ulttyq qura­mamyzdyń oıyndaryn «Elarna» telearnasy arqyly tamashalaı alady. Qa­zaqstan quramasynyń Nor­vegııa quramasymen bolatyn alǵashqy oıyny 29 qańtar kúni saǵat keshki 22:00-de kórsetiledi.
Álem chempıony ataǵynan úmitkerlerdiń qata­ryna Reseı, Shvesııa jáne Fınlıandııany jat­qy­zýǵa bolady. Degenmen, Reseı qurama­sy­nyń bap­ker­leri komandalardyń deńgeıin sóz júzinde aıtý bir bólek, muz aıdynynda olar­men aıqasý bir bólek dep sanaıdy. Al Norvegııa, Shvesııa tarapy Qazaqstan men Reseı jáne Fınlıandııadan seske­netinderin aıtýda.
Qazaqstan quramasy negizinen Oraldyń «Aq­­­­jaıyq» komandasynan jasaqtalǵan. Ras, ulttyq quramada Reseıden kelgen oıynshylar da joq emes. Biraq olardyń bári kórshi eldiń birin­shi­liginde oınap júrse de, Qazaq­­stannyń azamat­­­ty­ǵyn alǵan hokkeı­shi­ler. Jalpy, Qazaqstan qura­masy negizi­nen bu­­ryn­­­ǵy oıynshylardan quralyp otyr. Álem chempıonaty óz elimizde ótetin­dikten, bizdiń bapkerler Reseıden Qazaq­stan­ǵa qatysy bar biraz oıynshylardy aldyrtty. Chempıonatty uıymdas­tyrý komı­tetiniń óki­li Sul­tan­bek Syz­dy­qov­tyń aıtýynsha, ulttyq qu­ra­manyń bapkeri ózgergen joq, bapkerimiz Qysqy Azıada aldynda taǵaıyn­dalǵan Alekseı Nıkıshov.
Chempıonat óz elimizde ótetindikten, al­dy­­­myz­ǵa júldeli oryndardyń birinen kóriný maq­satyn qoıyp otyrǵanymyzdy da jasy­rý­­dyń jóni joq. Al buǵan deıin elimiz qura­ma­sy eki márte qola medalǵa qol jetkizgen bolatyn.
Dastan KENJALIN.