Túrikmenstan Prezıdentiniń janyndaǵy Memlekettik qyzmet akademııasy EO-nyń «Support to the Public Administration Capacity Building in Turkmenistan» atty jobasynyń qoldaýymen MRA (Master of Public Administration) magıstrlik baǵdarlamasyn ashý boıynsha negizgi áriptes retinde bizdiń Akademııany tańdady. Eki Akademııa basshylarynyń arasyndaǵy tyǵyz baılanys qysqa merzim ishinde trenıng uıymdastyrýǵa múmkindik berdi.
Trenıng aıasynda Túrikmenstan Prezıdentiniń janyndaǵy Memlekettik qyzmet akademııasynyń oqytýshylary bilim berý baǵdarlamalary men sıllabýstarynyń dızaınin jasaý tájirıbesimen ǵana tanysyp qoımaı, sonymen birge MPA baǵdarlamalary men pánderdiń oqý baǵdarlamalarynyń bastapqy nusqalaryn daıyndaýǵa da qatysty. Trenıng tálimgerlik qaǵıdaty negizinde uıymdastyrylyp, trenıngtiń árbir qatysýshysyna mamandaný salasyna baılanysty Akademııa professorlary Marta Ábdixalyqova, Gúlsara Áshirbaıqyzy, Erlan Ábil bekitildi. Túrikmenstandyq áriptester sabaqqa qatysý, Akademııa kitapxanasynda jumys isteý, qandaı da bir salanyń sarapshylarymen kezdesý múmkindikterine ıe boldy.
Trenıngtiń sońynda tyńdaýshylar jobanyń menedjerleri Silvia Pietropaolo jáne Milch Folkert, sondaı-aq QR Prezıdentiniń janyndaǵy Memlekettik basqarý akademııasynyń basshylyǵy Fatıma Jaqypova men Aıgúl Kósherbaevanyń aldynda óz sıllabýstaryn jarııa túrde tanystyrdy.
Eki Akademııa yntymaqtastyǵynyń jaǵymdy nátıjeleri qazaqstandyq Akademııa qabyrǵasynda ekinshi trenıng ótkizý jáne pánderdi ádistemelik tolyqtyrý boıynsha konsýltasııalar júrgizý úshin Ashǵabadqa tálimgerler jiberý kelisimine alyp keldi".
«Egemen aqparat»
