Kvartet quramynda talantty mýzykanttar, halyqaralyq baıqaýlardyń laýreattary Aıdar Toqtalıev (1-shi skrıpka), Alekseı Lebedev (2-shi skrıpka), Bekzat Saılaýbaıuly (alt), sonymen qatar ujymnyń kórkemdik jetekshisi, Qazaqstannyń eńbek sińirgen qaıratkeri Ernar Myńtaev (vıolonchel) bar. Bir konserttiń aıasynda ártister tyńdarman nazaryna klassısızm, romantızm jáne XX ǵasyr mýzykasy syndy túrli janrlar men dáýirlerdi toǵystyrǵan tamasha týyndylardy usyndy.
Dál osy keshte V.Mosarttyń Ishekti aspaptar kvarteti №15 re mınor shyǵarmasy oryndaldy. Dańqty kompozıtordyń kameralyq ansamblderge arnap jazǵan týyndylarynyń ishinde osy ishekti aspaptar kvarteti erekshe áıgili. Aıryqsha dramatızmimen, beıneliligimen ózgeshelenetin bul týyndy – kórnekti kompozıtor ári avtordyń dosy I.Gaıdnge arnalǵan alty kvartettiń ishindegi ekinshi (jáne eń tanymal) shyǵarma.
Odan keıin oryndalǵan H.Volftiń «Italııa serenadasy» W17/2 shyǵarmasy kompozıtordyń san qyrly daryny men ózindik stılin taǵy bir márte eske salyp ótkendeı. Aspaptyq mınıatıýra baǵdarlamalyq drama retinde túsindirilip, munda qos keıipker – er men áıel arasyndaǵy mahabbat sezimi baıandalady.
Kvartet 1988 jyly A.Jubanov atyndaǵy daryndy balalarǵa arnalǵan respýblıkalyq arnaıy orta mýzykalyq mektep oqýshylarynan qurylyp, daryndy ujymǵa kompozıtor Ǵazıza Ahmetqyzy Jubanova qamqorlyq etken bolatyn. Kóptegen halyqaralyq baıqaýlardyń, sonyń ishinde áıgili D.Shostakovıch atyndaǵy halyqaralyq baıqaýdyń laýreaty atanǵan topty búginde Amerıka, Eýropa men Azııanyń aldyńǵy qatarly sahnalary attaı qalap shaqyrtady. О́zderiniń oryndaýshylyq sheberligimen, keremet oınaý tehnıkasymen daralanatyn mýzykanttardyń talaı belesterdi baǵyndyratyny anyq.
Aıa О́MIRTAI,
«Egemen Qazaqstan»
