Syrtqy ister mınıstri Qaırat Ábdirahmanovpen ótken kelissózder barysynda taraptar saıası, saýda-ekonomıkalyq jáne mádenı yntymaqtastyqtyń aǵymdaǵy jaǵdaıy men keleshegin talqylady. Qurylys, energetıka, aýyl sharýashylyǵy, kólik-logıstıka, ınfraqurylym jáne týrızm salalary yntymaqtastyqtyń perspektıvalyq baǵyttary bolyp anyqtaldy.
Alban delegasııasy Qazaqstandaǵy sheteldik ınvestorlar úshin qolaıly jaǵdaılar men artyqshylyqtar týraly, sondaı-aq «Astana» Halyqaralyq qarjy ortalyǵy sheńberindegi yntymaqtastyq múmkindikteri týraly habardar etti.
Eki el arasyndaǵy taýar aınalymynyń kólemi tómen, osyǵan baılanysty saýda-ekonomıkalyq yntymaqtastyq qarqynyn qamtamasyz etý maqsatynda taraptar saýda-ekonomıkalyq yntymaqtastyq, ınvestısııalardy kótermeleý men ózara qorǵaý jáne qosarlanǵan salyq salýdy boldyrmaý týraly úsh negizgi kelisimderge qol qoıý prosesin jedeldetý týraly ýaǵdalasty. Sonymen qatar kelissózderdiń kún tártibinde ózara quqyqtyq kómek kórsetý týraly qujattar bar.
Halyqaralyq jáne aımaqtyq kún tártibindegi ózekti máseleler, sonyń ishinde Ortalyq Azııa men Balqan aımaǵyndaǵy jaǵdaı týraly pikir almasyldy. Qazaqstan men Albanııanyń negizgi halyqaralyq máseleler boıynsha ustanymdarynyń uqsastyǵy BUU, Eýropadaǵy Qaýipsizdik jáne Yntymaqtastyq Uıymy, Islam Yntymaqtastyq Uıymy sııaqty platformalar aıasynda yntymaqtastyqqa múmkindik beretindigi atap ótildi.
Bul turǵyda Elbasy Nursultan Nazarbaevtyń halyqaralyq janjaldardy retteýdegi jeke úlesin atap ótilip, sondaı-aq Memleket basshysy «Astana Club» sheńberinde jasaǵan bastamalary - 1975 jylǵy Helsınkı prosesin jańartý, oǵan qosa 2020 jyly Astanada qaýipsizdik jáne yntymaqtastyq jónindegi konferensııany ótkizý jáne EQYU, Azııadaǵy ózara yqpaldastyq jáne senim sharalary jónindegi keńesi men ASEAN Aımaqtyq forýmynyń birinshi birlesken konsýltatıvtik kezdesýin uıymdastyrý týraly atap ótildi.
Kelissózder barysynda Qazaqstandyq tarap Albanııanyń 2020 jyly EQYU-ǵa tóraǵalyq etý kandıdatýrasyn qoldaýǵa jáne osy uıymǵa tóraǵalyq etý tájirıbesimen bólisýge daıyn ekendigin bildirdi.
Kezdesý qorytyndysy boıynsha dıplomattar Syrtqy ister mınıstrlikteri arasyndaǵy yntymaqtastyq týraly hattamaǵa qol qoıyp, Kásipkerler palatalary arasyndaǵy yntymaqtastyq týraly memorandým qabyldandy.
D. Býshatıdiń sapary aıasynda Parlament Senatynda, Úkimette, Investısııalar jáne damý mınıstrliginde, «Kazakh Invest» UK AQ jáne «Atameken» Ulttyq kásipkerler palatasyda kezdesýler josparlanǵan.
