Senat Tóraǵasy osy kezdesý Qazaqstan men Albanııa arasyndaǵy yntymaqtastyqty nyǵaıtýǵa jańa serpin beretinin atap ótti.
Q.Toqaevtyń pikirinshe, jahandyq saıasatta róli turaqty artyp kele jatqan parlamenttik dıplomatııa ózara is-qımylǵa qarqyn berýdiń pármendi tetigi bola alady. Senat Tóraǵasy EQYU parlamenttik assambleıasyna qatysý aıasynda qazaqstandyq senatorlardyń baılanystardy damytýǵa múddeli ekenin atap ótip, albandyq áriptesterdi Qazaqstanǵa saparmen kelýge shaqyrdy.
D.Býshatı óz kezeginde Albanııa úshin bizdiń elimiz senimdi áriptes ári dos ekenin atap ótti. «Biz yntymaqtastyq jolyndaǵy basty kezeńge keldik. Odan ári ilgerilep, baılanysty damytý qajet», - dedi ol.
Eýropa jáne syrtqy ister mınıstri Q.Toqaevty Albanııanyń 2020 jyly EQYU-ǵa tóraǵa bolýǵa nıeti jáne BUU Qaýipsizdik keńesine múshe bolýǵa ótinish beretini týraly habardar etti. Dıplomattyń pikirinshe, Qazaqstannyń osy halyqaralyq qurylymdardaǵy qyzmetindegi oń tájirıbesi Albanııa úshin paıdaly bolady.
Júzdesýshiler eki el arasyndaǵy saýda-ekonomıkalyq jáne gýmanıtarlyq yntymaqtastyqty damytý múmkindigin talqylady. D.Býshatı Albanııa azamattary úshin vızasyz tártipti engizý máselesin kóterdi. Qazaqstandyqtar úshin mundaı tártip 2012 jyldan beri qoldanylyp keledi.
