Atyraý qalalyq ákimdiginiń osy olqylyqtyń ornyn toltyrýǵa árekettengeni nátıjesiz emes. Oblys ortalyǵynda eki avtobýs baǵytynda elektrondy bılet júıesiniń qanatqaqty jobasy iske qosyldy. Qala ákimdigi baspasóz qyzmetiniń habarlaýynsha, №1, 2, 4, 5, 10, 12, 14, 20 baǵyttaryndaǵy qoǵamdyq kólikter mobıldi tólem qurylǵysyn paıdalanýdy bastaǵan. Jyl sońyna deıin barlyq qoǵamdyq kólikke stasıonarlyq valıdatorlar ornatylady.
– «Sıfrly Qazaqstan» memlekettik baǵdarlamasy aıasynda qoǵamdyq kólikte jol júrý tólemderin avtomattandyrý boıynsha jumystar júrgizilýde. «Smart-TKSh» kompanııasy tasymaldaýshy-kompanııalarmen kelisimshartqa qol qoıdy. Avtobýstarǵa QR kodtaryn taǵaıyndap, tólemderdiń basqa túrlerin jasaýǵa bolatyn «SmartQala» mobıldi qosymshasy iske qosyldy. Elektrondy bılet júıesin engizýdiń maqsaty – qoǵamdyq kólik jumysynyń ashyq bolýyn qamtamasyz etý», deıdi Atyraý qalasy ákiminiń orynbasary Meıirim Qalaýı.
Jańa júıe arqyly qoǵamdyq kólikte qyzmet kórsetý sapasy jaqsaryp, júrgizýshilerdiń, jolserikterdiń jalaqysy, tasymaldaýshy kompanııalar tabysy, bıýdjetke túsetin salyq túsimi kóbeıedi eken. Qazirdiń ózinde júrgizýshiler men avtobýs jolserikteriniń jalaqylary eki esege ósipti. «Smart Atyraý» KMM basshysy Ádilbek Tankıevtiń aıtýynsha, qarasha aıynan bastap qoǵamdyq kólik júrgizýshileriniń eńbekaqylary 110 myń teńgeden 300 myń teńgege kóterilgen, al jolserikter burynǵy 45 myń teńgeniń ornyna 85 myń teńge alady.
– Bul sharalar qoǵamdyq kólikterge engizilgen jolaqy tóleýdiń elektrondy júıesiniń tıimdiligin kórsetedi, – deıdi Á.Tankıev. – Jolaýshylardyń qozǵalysyn basqarý, tasymaldaýshy mekemeler kiristeriniń ashyqtyǵy, bıýdjetke túsetin salyq túsimderiniń artýy osyndaı múmkindik berip otyr.
– Qanatqaqty joba kezinde jolaýshylar valıdator arqyly qolma-qol aqsha tóleıdi. Júıe iske qosylǵannan keıin arnaıy tólem kartochkalary engizildi. Jol júrý kartasynyń quny 300 teńge, zeınetkerler men múgedekterge, ardagerlerge arnaıy tegin kartalar beriledi, – deıdi «Smart-TKSh» kompanııasynyń ókili Erlan Nurlanuly. – Buǵan deıin Almaty, Astana sekildi elimizdiń iri qalalarynda qolǵa alynǵan joba qoǵamdyq kólik salasyndaǵy máselelerdiń kúrmeýin sheshken edi. Atyraýdaǵy jobanyń artyqshylyǵy – tólemder onlaın-formatta qabyldanady jáne tólemderdiń barlyq 9 túri biriktirilgen bir júıede jumys isteıdi. Bul avtobýstardyń bir-birimen baılanysta bolýyna, kúndelikti jumystary týraly aqparat alýǵa múmkindik beredi. Jyl sońyna deıin munaıly aımaqqa 100 jańa avtobýs kelip, qoǵamdyq kólikter tólem qurylǵylarymen jabdyqtalady degen jospar bar.
Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynyń aıasynda qolǵa alynǵan bul joba kóleńkeli ekonomıkanyń aldyn alýǵa, halyqtyń ómir súrýine qolaıly jaǵdaı jasaýǵa jáne tabystyń kóbeıýine múmkindik beredi. Bıyl oblys ortalyǵyndaǵy Baımuhanov, Taımanov, Vladımırskıı kósheleri keńeıtildi. Endi osy jerlerge jańadan jeti aıaldama qondyrylady. «WiFi» jelisi, beınekameralary bar aıaldamalarda dúken, dárihana jáne basqa da qyzmet kórsetý ortalyqtary ornalasady.
Jalpy, oblys ortalyǵyndaǵy 60 kósheni qazirgi zamanǵy quraldarmen jabdyqtaý kezekte tur. Sondaı-aq 192 kóshege jaryq shamdary ornatylady. Qoǵamdyq oryndarǵa 776 beıne jáne fotobaqylaý kameralary ornatylady. Munyń bári – Atyraýdy «aqyldy qalaǵa» aınaldyrý jolynda jasalyp jatqan jumystar. Osylaısha kúnnen kúnge sáýleti men dáýleti qatar artyp kele jatqan shahar shyraılana túspek.
Baqytgúl BABASh,
«Egemen Qazaqstan»
ATYRAÝ
