«Tirkeý kampanııasy aıasynda, ıaǵnı 15 qyrkúıek pen 15 qarasha aralyǵynda bastapqy medısınalyq-sanıtarlyq kómek uıymdaryna tirkelgender sany - 13 668. Medısınalyq uıymdar men dárigerdi erkin tańdaý quqyǵyn paıdalanǵandar sany - 26 487. Aldyn ala málimetke súıensek, búgingi kúnge deıin 2018 jyldyń tirkeý qorytyndysy boıynsha Astana qalasyndaǵy emdeý mekemelerine 1 091 640 adam tirkelgen»,- deıdi «Mindetti áleýmettik medısınalyq saqtandyrý qory» KEAQ Astana fılıaly dırektory Nurlybek Qabdyqaparov.
Naýqan sheńberinde emhanalarǵa tirkelgen azamattarǵa 2019 jyldyń 1 qańtarynan bastap qyzmet kórsetiledi. Azamattar tikeleı júginse, olardy MSAK uıymdaryna bekitken kezde buryn bekitilgen MSAK uıymdarynan esepten shyǵarý «Bekitilgen halyq tirkelimi» portalynyń derekqory arqyly avtomatty túrde júzege asyrylady.
Bıylǵy tirkeý naýqanyna 31 emdeý mekemesi qatysty. Tirkelgender sany boıynsha Astana qalasyndaǵy № 6, 10, 4 jáne 7 emhanalar aldyńǵy qatarda. Sondaı-aq, turǵyndar jeke klınıkalardan «Salaýatty Astana» JShS, «Shıpager» otbasylyq densaýlyq saqtaý ortalyǵyna kóp tirkelgen.
Jalpy, tirkeý naýqany – emhana aýystyrýdyń jalǵyz joly emes. Qazaqstandyqtardyń jylyna bir ret emhana aýystyrýǵa múmkindigi bar. Sonymen qatar, qonys aýdarǵanda, emhana jabylyp qalsa nemese Medısınalyq saqtandyrý qorymen kelisimshartty buzsa, jaqyn mańnan jańa emhana salynsa, emhana qyzmetine qatysty shyǵyndardy jabatyn erikti medısınalyq saqtandyrý kelisimshartyn bekitken jaǵdaıda basqa emhanaǵa aýysýǵa bolady.
Esterińizge sala keteıik, budan bylaı emhanaǵa egov.kz elektrondy úkimet portaly men Telegram-bot egov.kz. arqyly da tirkelýge de bolady.
«Áleýmettik medısınalyq saqtandyrý qory» KEAQ-men kelisimshartqa otyrǵan medısına uıymdarynyń tolyq tizimin Medısınalyq saqtandyrý qorynyń fms.kz saıtynan tabýǵa bolady. Olar kepildendirilgen tegin medısınalyq kómek sheńberinde halyqqa qyzmet kórsetpek.
