Áke talanty juqqan qyz talantyn barlyq janrda tanytqan shyǵarmashylyq dıapazony keń kompozıtor retinde ǵana emes, Almas Serkebaev, Tólegen Muhamedjanov, Qýat Shildebaev, Aqtoty Raıymqulova syndy sańlaq shákirtterimen de este qalady. Mýzyka salasynda ulttyq kadrlar legin daıarlap qana qoımaı, Jubanovanyń yqpalymen mýzykalyq mektepter qurylǵanyn, folklor men kompozıtorlyq shyǵarmashylyq máseleleri boıynsha dıssertasııalar qorǵala bastaǵanyn atap ótý paryz.
О́nertanýshylar Ǵazıza Ahmetqyzynyń mýzykalyq oılaý júıesiniń birtutastyǵyn, vokaldy oryndaýdan aspapty oryndaýǵa aýysý, sezim kórnekiligin, taqyryptyq materıaldyń ashyqtyǵyn, ulttyq boıaý, aýqymdylyq, epıkalyq keńdik pen mýzykalyq obrazdardyń qarama-qaıshylyqty minezderin biriktire alatynyn moıyndaǵan.
Sonymen bul sýret qalaı túsirilip edi?
– Ǵazıza Ahmetqyzy 1975-1987 jyldar aralyǵynda Almaty konservatorııasynda (qazirgi Qazaq ulttyq konservatorııasy) rektor boldy. 80-shi jyldardyń basy bolý kerek, KazTAG fototilshisi retinde konservatorııa rektoryn sýretke túsirip kelýge tapsyrma aldym. Ol kisini qolǵa túsirý óte qıyn boldy. Qabyldaý bólmesinde kóp kútýge týra keldi. Qarbalas jumystarynyń arasynda retin týyp, arnaıy tapsyrmamen kelgenimdi aıtyp edim, rektor KazTAG sııaqty salıqaly agenttik úshin fotoǵa túsýge múlde daıyn emestigin, makııajsyz otyrǵanyn, shashyn jóndemegenin, taǵysyn taǵyny aıtyp úzildi-kesildi qarsy boldy. Biraq azdap bolsa da sóılese bastadyq. Sálden keıin ol kisi jibip, «jaraıdy» osy kúıimde túsirip kór, dep ruqsatyn berdi. Al men de óteýine aldymen osy sýretti ózine kórsetip alýǵa kelisimin aldym.
Kóp kúttirmeı qaǵazǵa basylǵan kadrdy ózine alyp kelgenimde, kerisinshe tabıǵı qalpynda otyrǵan osy sýreti Ǵazıza Ahmetqyzyna óte unady. Araǵa azdaǵan ýaqyt salyp, sýret ortalyq basylymdardyń birinde jarııalandy, – deıdi foto avtory Iýrıı Bekker.
Aınash ESALI,
«Egemen Qazaqstan»
Almaty
