Shyǵys Qazaqstanda aýa-raıy qysqa kúnde qyryq qubylyp turǵan jaıy bar. Birese qar, birese jańbyr. Jurt «kóktem qaıta shyǵyp ketti me?» deıin dese, jańbyr artynan tópelep qar jaýyp, aıaz qysa túsýde. Aıaz sońy – kóktaıǵaq. Sonyń kesirinen búgin Semeı qalasy men Jarma aýdanynda sabaq toqtady. Semeıde birinshi aýysym oqýshylary úshin 1-9, Jarmada 1-11 synyptarǵa sabaqtar toqtatyldy. Bul týraly ShQO TJD resmı saıty habarlady. Sabaq toqtatylmady degenińiz bolmasa, О́skemen kósheleri de kóktaıǵaq. Bir qýanarlyǵy, ortalyq kóshelerdiń joldaryna qum sebilipti.
Kóktaıǵaq óz aldyna, birneshe kúnnen beri oblysta boran basylmaı, joldar jabylýda. Oblystyq Tótenshe jaǵdaılar departamentiniń baspasóz qyzmetiniń taratqan málimetterine súıensek, dál qazirgi ýaqytta О́skemen-Tarǵyn-Samar jol ýchaskeleriniń 63-145, Terekti-Uranqaı-Tósqaıyń baǵytynyń 0-91, avtobýstar úshin «Almaty-О́skemen» baǵytynyń 967-778 (Qalbataý-Aıagóz) shaqyrymdary ýaqytsha jabyq.
Azamat QASYM,
«Egemen Qazaqstan»
Shyǵys Qazaqstan oblysy
