Eske salaıyq, Memleket basshysynyń tóraǵalyǵymen ótken Qaýipsizdik keńesiniń otyrysynda elektr jáne jylý energııasyna qoldanystaǵy tarıfterdi qalyptastyrý, sonymen qatar energetıka qyzmetteri naryǵyndaǵy baǵanyń túzilýine baqylaýdy qamtamasyz etetin memlekettik organdardyń jumysy máseleleri talqylanǵan edi.
Q.Bozymbaev Memleket Basshysynyń tapsyrmasyna sáıkes Energetıka mınıstrligi elektr energııasyna arnalǵan shekti tarıfterdiń obektıvti deńgeıin belgileý boıynsha jumystardy aıaqtap jatqanyn málim etti. О́tken aptada atqarylǵan jumystyń aldyn ala nátıjeleri Jumys tobynyń qaraýyna usynyldy. Onyń otyrysyna Prezıdent Ákimshiligi, Bas prokýratýra, memlekettik organdar men Ulttyq kásipkerler palatasynyń ókilderi qatysty. Otyrys barysynda elektr energııasyna arnalǵan shekti tarıfterdiń usynylǵan deńgeıi talqylandy.
«Eki komponenttiń qosyndysy boıynsha elektr energııasynyń qunyn tómendetýdiń ortasha ólshemdi deńgeıi shekti tarıfterdiń qoldanystaǵy deńgeıiniń 25 paıyzyn quraıdy. Energetıka mınıstrliginiń tásili tujyrymdamaly qoldaý tapty», — dedi Q.Bozymbaev.
Budan basqa, Jumys tobynyń otyrysynda qýat tarıfiniń shekti shamasyn (1 MVt úshin 700 myń teńgeden 590 myń teńge shamasyna deıin) tómendetý qajettigi týraly másele usynyldy. Bul túpki tutynýshylar úshin elektr energııasynyń qunyn tómendetýdi qamtamasyz etedi.
Energetıka mınıstrliginiń málimetteri boıynsha, otyrystyń nátıjeleri boıynsha Ulttyq kásipkerler palatasynyń resmı ustanymy alyndy. Bul krıterıılerdi anyqtaıtyn tıisti buıryq jobasyn osy kúnniń sońyna deıin kelisý jáne tirkeý úshin Ádilet mınıstrligine engizýge múmkindik beredi.
«Biz osy aptanyń sońyna deıin qýatqa jańa tarıf mólsherin bekitýdi boljap otyrmyz. Bul bıylǵy jylǵy jeltoqsannyń birinshi onkúndiginde ortalyqtandyrylǵan saýda-sattyq ótkizýge múmkindik beredi. Saýda-sattyq nátıjesi boıynsha energııa óndirýshi uıymdardyń elektr energııasyna shekti tarıfteri bekitiletin bolady», — dedi energetıka mınıstri.
Sonymen qatar, Q.Bozymbaev eki aspektiniń mańyzdylyǵyn atap ótti: elektr stansııalary úshin «kem degende» aǵymdaǵy kómir baǵasyn saqtaý jáne deldaldyq qurylymdardy alyp tastap, kómirdi tasymaldaý qunyn tómendetý; 2019 jylǵy 1 qańtardan bastap energııa berýshi jáne energııamen jabdyqtaýshy uıymdarda tarıfterdi aǵymdaǵy shamanyń deńgeıinen tómendetý.
Taýarlyq gaz boıynsha, Energetıka mınıstrligi taýarlyq gazdyń shekti kóterme baǵalaryn tómendetý kózdelgen buıryq jobasyn ázirledi. QR EM baǵalaýynsha, 2019 jylǵy 1 qańtardan bastap shekti kóterme saýda baǵasyn tómendetý — taýarlyq gazdyń túpkilikti baǵasyn óńirge baılanysty gaz paıdalanatyn elektr stansııalary úshin 12-22%-ǵa tómendetýge múmkindik beredi.
Qazirgi ýaqytta mınıstrlik turǵyndar úshin jylý jáne elektr energııasyn óndiretin otyn-energetıkalyq keshenderge taýarlyq gazdyń bólshek saýda baǵalaryn esepteý arqyly Ulttyq ekonomıka mınıstrliginiń Tabıǵı monopolııalardy retteý komıtetinen shekti kóterme baǵa deńgeıin rastaýyn kútip otyr.
Energetıka mınıstrliginiń shekti kóterme gaz baǵasyn tómendetýine baılanysty Tabıǵı monopolııalardy retteý komıteti elektr stansııalarǵa gazdyń bólshektik baǵasyn tómendetý jónindegi tıisti buıryqtar qabyldaıtyn bolady.
Elektr energııasynyń jáne taýarlyq gaz baǵasyn tómendetý sharalary Energetıka mınıstrliginiń tıisti buıryqtaryn bekitý túrinde 01.01.2019 jyldan bastap óz kúshine enedi.
