– Ásem kósheniń boıynda ornalasqan Kompozıtorlar úıiniń ishi tolǵan qudiret edi ǵoı. Nebir talantty, qudiretti sazgerlerimiz, nebir qaıtalanbas daryndarymyz osynda turdy. Myńjasar aǵamyz da solardyń bel ortasynda júrdi. Búgingi shara úshin qalalyq ákimdikke zor alǵys aıtqym keledi. Bul da sazgerdiń esimin tarıhta qaldyrýdyń jarqyn úlgisi dep esepteımin, – deıdi Qazaqstannyń halyq ártisi, Memlekettik syılyqtyń laýreaty Sábıt Orazbaev.
Myńjasar Mańǵytaev halqynyń án ónerine sińirgen ólsheýsiz eńbegi úshin 1998 jyly Qazaqstannyń halyq ártisi ataǵyn alyp, 2006 jyly Qazaqstan Respýblıkasy Memlekettik syılyǵynyń laýreaty atandy. Kóptegen spektaklder men mýltfılmderdi áýenmen árlegen qaıratkerdiń «Qozy men Baıan» baletine, «Aqsaq qulan», «Jaılaýda», «Qarataý áýenderi» syndy horǵa arnalǵan poemalary óner ólkesine aıshyqty iz salǵan shyǵarmalar. Onyń úsh júzden astam ánderi, vokaldyq-hor, aspaptyq, sımfonııalyq oratorııa-kantatalary, orkestrlik poema-sıýıtalary, kınofılmder men spektaklderge jazǵan mýzykalary zaman tynysyn, ómir kelbetin, dúnıe sulýlyǵyn jyrǵa qosty.
Arman OKTIаBR,
«Egemen Qazaqstan»
ALMATY
