«Tańerteń jumysqa taksımen kele jatyp, Baımaǵambetov kóshesindegi bir úıdiń teresinen qoıý tútin shyǵyp jatqanyn kórdim de, dereý mashınany toqtatyp, ózim úıge qaraı júgirip kettim, al taksıstke «jedel járdem» men pollısııaǵa habarlaýyn ótindim» deıdi Jedel áreket etý arnaıy jasaǵynyń qyzmetkeri Temirbolat Shúlembaev.
Polıseı úıdiń qaqpasyn qaǵyp edi, eshkim jaýap bermedi. Ol qaqpadan sekirip túskende esiktiń aldyndaǵy tarsyldy estigen úıdiń ıesi áıel júgirip shyqty. Qorqyp ketken áıel, úıde kúıeýi men eki balasynyń qalyp qoıǵanyn aıtty. Polıseı kóp oılanyp jatpaıdy, dereý úıge kirip, er kisi men balalardy alyp shyqty. Bul kezde taksıst de qaıta oralǵan edi, ol da kómek berdi. Polıseı dereý úıdiń ıesine qujattardy alyp shyǵý kerektigin aıtyp, ony birge izdesti. Ol qaıta kirip, kórpeler men balalardyń kıimin alyp úlgerdi. Polıseı bir úıli jandy aman-esen alyp shyqqanda, órt sóndirýshiler de kelip, otty aýyzdyqtady. «Jedel járdem» dárigerleri ottan aman qalǵan otbasyna kómek kórsetti.
Otbasyn tilsiz jaýdan aman alyp qalǵan soń, ol birneshe mınýttan keıin jumysynda otyrdy. IIM Sh.Qabylbaev atyndaǵy Qostanaı akademııasyn endi ǵana bitirgen jas jigit qyraǵylyǵynyń arqasynda tórt birdeı adamdy ajaldan arashalap qaldy. Qys mezgiinde jeke sektordaǵy úılerde órtten, ıis tııýden adamdar baqytsyzdyqqa ushyrap jatady. О́kinishke qaraı, ot qashan kúsh alyp ketkenshe aınaladaǵy adamdar tútinniń nege shyǵyp jatqanyna mán bermeıdi. Jas polıseıdiń qyraǵylyǵy baqytsyzdyqqa jol bergen joq.
«Men tek ózimniń qyzmettik boryshymdy oryndadym», deıdi Temirbolat.
Názıra Járimbet,
«Egemen Qazaqstan»
Qostanaı
